هێڵی ئاسمانی ئەمریکی گەشتەکانی بۆ ئیسرائیل تا نیسانی 2025 هەڵوەشاندەوە

کۆمپانیای هێڵی ئاسمانی ئەمریکی گەشتەکانی بۆ ئیسرائیل و لە ئیسرائیلەوە تا نیسانی 2025 هەڵوەشاندەوە.

یەکشەممە 3ـی تشرینی دووەمی 2024، ئاژانسی پەخشی ئیسرائیل بڵاوی کردەوە،، کۆمپانیای هێڵی ئاسمانی ئەمریکی ڕۆژی یەکشەممە هەموو گەشتەکانی بۆ ئیسرائیل و لە ئیسرائیلەوە تا نیسانی 2025 هەڵوەشاندەوە.

ئەمە لە کاتێکدایە کە ژمارەیەک لە هێڵە ئاسمانییە نێودەوڵەتییەکان گەشتەکانیان بۆ ئیسرائیل و لوبنان و ئێران ڕاگرتووە بەهۆی ترسی زیادبوونی گرژییەکان لەو ناوچانەدا.

ئێران بەڵێنی داوە وەڵامی ئیسرائیل بداتەوە بەرامبەر کوشتنی ئیسماعیل هەنیە سەرۆکی مەکتەبی سیاسی بزووتنەوەی حەماس کاتێک لە میوانخانەیەکی سەر بە سوپای پاسدارانی ئێران بوو لەو وڵاتە.