لوبنان: 11 کەس لە ئەنجامی بۆمبارانی ئیسرائیل کوژران
بەهۆی بۆمبارانی باشووری بەیرووت لە لایەن ئیسرائیلەوە لانیکەم 11 کەس کوژران.
پێنجشەممە، 07-11-2024، وەزارەتی تەندروستیی لوبنان بڵاوی کردەوە "بەهۆی بۆمبارانی چڕی سوپای ئیسرائیلەوە بۆسەر هەردوو ناوچەی "حارەت حەریک و غەدیر' لە باشووری بەیرووت، لانیکەم 11 کەس کوژراون."
هەمان سەرچاوە ئاماژەی بەوەش کردووە "لە 24 کاتژمێری ڕابردوودا نزیکەی 50 کەس بەهۆی بۆمبارانەکانی ئیسرائیلەوە بۆسەر باشووری بەیرووت و بەعلبەک کوژراون.
وەزارەتی تەندروستیی ئەو وڵاتە ئەوەشی خستووەتە ڕوو "ژمارەی ئەو کەسانەی لە سەرەتای دەستپێکردنی ئۆپەراسیۆنەکانی ئیسرائیلەوە بۆسەر لوبنان کوژراون سێ هەزار کەسی تێ پەڕاندووە."