دوو بوومەلەرزەی بەهێز کەناراوەکانی کوبای هەژاند
ناوەندیی بەدواداچوونی بوومەلەرزەزانی ئەورووپی ڕایگەیاند، لە ماوەی کەمتر لە دوو کاتژمێردا دوو بوومەلەرزەی بەهێز کەناراوەکانی کوبای هەژاند.
ئەمڕۆ یەکشەمە 10ـی تشرینی دووەمی 2024، ناوەندیی بەدواداچوونی بوومەلەرزەزانی ئەورووپی بڵاوی کردەوە، لە ماوەی کەمتر لە دوو کاتژمێردا، دوو بوومەلەرزەی بەهێز یەکیان بە گوڕی 5.9 ئەوەی دووەمیش بو گوری 6.8 رێختەر کەناراوەکانی کوبای هەژاند.
شوێنی دوو بوومەلەرزەکە لە دووری 64 کیلۆمەتر لە باشووری ڕۆژهەڵاتی شاری مانزانیلۆ بووە کە ژمارەی دانیشتووانی 128 هەزار کەسە.
قووڵایی بوومەلەرزەکە نزیکەی 17 کیلۆمەتر بووە و تا ئێستا هیچ زانیارییەک لەبارەی زیانەکانی نەزاندراوە.