ئەمەریکا هێرشی کردە سەر کۆگایەکی چەک و تەقەمەنی گرووپە چەکدارەکان
سوپای ئەمەریکا ڕایگەیاند، هێرشیان کردووەتە سەر کۆگایەکی چەک و تەقەمەنی کە هی گرووپێکی چەکداری نزیک لە ئێرانە لە سووریا، ئەمەش دوای ئەوە دێت بەرەی مقاوەمە هێرشی کردە سەر بنکەی ئەلشەدادی لە سووریا، کە ئەمەریکییەکانی تێیدا جێگیرکراون.
ئەمڕۆ چوارشەممە، 13-11-2024، سوپای ئەمەریکا لە بەیاننامەیەکدا ڕایگەیاند، ئەم هێرشانە لە وەڵامی هێرشی مووشەکی بۆ سەر سەربازانی ئەمەریکی لە بنکەی ئەلشەدادی هاتوون، هەرچەندە هیچ زیانێک بە بنکەکە نەگەیشتووە و هیچ زیانێکی گیانیشی نەبووە.
ڕۆژی دووشەممەی ڕابردوو، هێزەکانی ئەمەریکا لە وەڵامی هێرشەکانی میلیشیاکان هێرشیان کردە سەر نۆ پێگەی میلیشیاکان.