19 هەزار دەرچوو ناویان بۆ بوون بە بژمێر دەرچووە
دەستەی ئاماری هەرێم بڵاوی کردووەتەوە، لە کۆی نزیکەی 61 هەزار دەرچووی زانکۆ و پەیمانگەکانی کوردستان، تەنها ناوی 19 هەزاریان گەڕاوەتەوە بۆ ئەوەی ببنە بژمێر.
لە 6ـی تشرینی دووەمی 2024، نزیکەی (61) هەزار دەرچووی زانکۆ و پەیمانگا بە شێوەی ئۆنلاین لەسەر ئاستی پارێزگا و ئیدارە سەربەخۆکان لە هەرێمی کوردستان، فۆرمی بوون بە بژمێریان تۆمار کردبوو، لەم ژمارەیەش زیاتر لە (19) هەزار دەرچوو ناوەکانیان گەڕاوەتەوە.
دەستەی ئاماری هەرێم ئاماژەی بەوە کردووە کە،دەستنیشانکردنی بژمێرەکانیش لەسەر بنەمای پێداویستی و شوێنی جوگرافی و چڕیی دانیشتوان و شوێنی نیشتەجێبوونی خۆیان و لەسەر ئاستی گەڕەک یان گوند دەستنیشان کراون.
ڕایدەگەیەنێت: لە ڕێگەی زانستی بۆ دەستنیشانکردن بریتییە لە ڕێگای (Random Selection) ڕێگای ئەلگۆریتمی LCG بەکار هێنراوە بۆ دیاریکردنی ناوەکان، دەڵێت: ئەو ناوانەی کە دەرچوون لەسەر ئاستی پارێزگاو ئیدارە سەربەخۆکان بەم شێوەیەن:
لە پارێزگای هەولێر 7487 کارمەند و لە ئیدارەی سەربەخۆی سۆران 1180کارمەند، لە پارێزگای سلێمانی 4635 کارمەند، لە ئیدارەی سەربەخۆی ڕاپەرین1304 ، لە ئیدارەی سەربەخۆی گەرمیان869، لە پارێزگای دهۆک2906، ئیدارەی سەربەخۆی زاخۆ706.
دەڵێت: ئەو کارمەندانەی کە ناوەکانیان دەرچووە، پێویستە دەستبەجێ پەیوەندی بە شوێنەکانیانەوە بکەن، بۆ ئەوەی لە کاتی دیاریکراودا لە هۆڵەکانی راهێنان ئامادەبن، لە ئەگەری ئامادەنەبوون لە کاتی دیاریکراودا ئەوا شوێنەکانیان بە دەرچووی دیکە پڕ دەکرێتەوە.
بەرێوەبەرایەتیی ئاماری پارێزگای هەولێر
07504565885
بەرێوەبەرایەتیی ئاماری پارێزگای سلێمانی
07704515003
07704515004
بەرێوەبەرایەتیی ئاماری ئیدارەی سەربەخۆی گەرمیان
07725461026
بەرێوبەرایەتیی ئاماری ئیدارەی سەربەخۆی راپەرین
07719935359
بەرێوەبەرایەتیی ئاماری پارێزگای دهۆک
07508758077
بەرێوبەرایەتیی ئاماری ئیدارەی سەربەخۆی زاخۆ
07508581603