بەشار ئەسەد و سوودانی جەخت لە کاری هاوبەش بۆ بەرەنگاربوونەوەی تیرۆر دەکەنەوە
سەرۆک کۆماری سووریا و سەرۆک وەزیرانی عێراق بە تەلەفۆن قسەیان کرد و دوایین پێشهاتی ناوچەکەیان تاوتوێ کرد و جەختیان لە بەرەنگاربوونەوەی تیرۆر کردەوە.
ئەمڕۆ شەممە 30ـی تشرینی دووەمی 2024، بەشار ئەسەد، سەرۆک کۆماری سووریا، لەگەڵ محەممەد شیاع سوودانی، سەرۆک وەزیرانی عێراق بە تەلەفۆن قسەیان کرد.
بەشار ئەسەد لە پەیوەندییە تەلەفۆنییەکەدا دوایین پێشهات و هاوکاری هاوبەشی نێوان سووریا و عێراقیان لە بواری بەرەنگاربوونەوەی تیرۆر تاوتوێ کرد.
لای خۆیەوە سوودانی جەختی لەوە کردەوە، کە ئاسایشی عێراق و سووریا یەکە. هەروەها ئامادەیی عێراقی بۆ پێشکەشکردنی هەموو هاوکارییەکی پێویست بۆ سووریا لە ڕووبەڕووبوونەوەی تیرۆر دەربڕی.