بەرپرسی بەرگریی شارستانیی سووریا: بەشار ئەسەد بەرپرسیارە لە کوژرانی 500 هەزار کەس
بەرپرسی بەرگریی شارستانیی سووریا ڕایگەیاند، بەشار ئەسەد بەرپرسیارە لە کوژرانی 500 هەزار کەس و ئاوارەبوونی 13 ملیۆن کەس.
ڕائید ساڵح، بەرپرسی بەرگریی شارستانیی سووریا ئەمڕۆ یەکشەممە، 8ـی کانوونی یەکەمی 2024، لە پەیامێکدا بەبۆنەی ڕووخاندنی ڕژێمی بەشار ئەسەدەوە ڕایگەیاند "مژدە بۆ گەلی سووریا ئەو ڕژێمەی بەرپرسیار بوو لە کوژرانی 500 هەزار کەس و ئاوارەبوونی 13ملیۆن کەس، ڕووخا."
ڕاشیگەیاند "لەسەر دەستی بەشار ئەسەد 200 هەزار کەس خرانە زیندانەوە، 100 هەزار کەسیش چارەنووسیان نادیارە."