مەسرور بارزانی: هەرێمی کوردستان و بەحرەین خاوەنی هەمان ئاڵنگاری و دەرفەتن
سەرۆکی حکوومەتی هەرێمی کوردستان ڕایگەیاند: بەردەوامن دەبن لە بنیاتنانی پەیوەندیی دۆستانەی نێوان هەرێمی کوردستان و بەحرەین.
ئەمڕۆ سێشەممە 10ـی کانوونی یەکەمی 2024، مەسرور بارزانی، سەرۆکی حکوومەتی هەرێمی کوردستان لەگەڵ شێخ ناسر بن حەمەد ئال خەلیفە، ڕاوێژکاری ئاسایشیی نیشتمانی و فەرماندەی پاسەوانی شاهانەی بەحرەین کۆبووەوە.
سەرۆکی حکوومەتی هەرێمی کوردستان لە هەژماری خۆی لە تۆڕی کۆمەڵایەتی ئێکس نوسیوویەتی: "خۆشحاڵم بە دیدارم لەگەڵ برام شێخ ناسر بن حەمەد ئال خەلیفە".
هاوکات دەڵێت: هەرێمی کوردستان و بەحرەین خاوەنی هەمان ئاڵنگاری و دەرفەتن: پەروەردە، کار و تەکنەلۆژیا.
مەسرور بارزانی، جەختی لەوە کردەوە، "ئێمە بەردەوام دەبین لە بنیاتنانی هاوڕێیەتییەکەمان."
خۆشحاڵم بە دیدارم لەگەڵ برام شێخ ناسر بن حەمەد ئال خەلیفە.
— Masrour Barzani (@masrourbarzani) December 10, 2024
هەرێمی کوردستان و بەحرەین خاوەنی هەمان ئاڵنگاری و دەرفەتن: پەروەردە، کار و تەکنەلۆژیا.
ئێمە بەردەوام دەبین لە بنیاتنانی هاوڕێیەتییەکەمان. pic.twitter.com/8P0qv2XZI8