بوومەلەرزەیەکی بەهێز ناوچەیەکی باکووری کوردستانی هەژاند
K24 - باکووری کوردستان
کاتژمێر ٠٩:٥١ـی ئەمڕۆ، بوومەلەرزەیەک بە گوڕی ٥،٦ پلەی رێختەر ناوچەیەکی باکووری کوردستانی هەژاند.
بوومەلەرزەکەی ئەمڕۆ ناوچەی کانی رەشی لە شاری چەولیک هەژاندووە، ئەمەش دووەم بوومەلەرزەیە لە ماوەی 24 کاتژمێری رابردوودا ناوچەکە دەهەژێنێت.
دوێنێ لە هەمان ناوچەدا بوومەلەرزەیەکی دیکە بە گوڕی 5.7 پلەی رێختەر روویدا و، لە ئەنجامدا کەسێک گیانی لەدەستدا و 18 کەسی دیکەش بریندار ببوون.