ئەمشەو لە چەند ناوچەیەک بەفر دەبارێت
کەشناسی: سبەینێ ئێوارەکەی کەشوهەوا ئاسایی دەبێتەوە
بە گوێرەی پێشبینییەکان، ئەمشەو لە هەندێک ناوچە بەفر و لە هەندێک ناوچەی دیکەش لێزمە باران بە بروسکەوە دەبێت، بەڵام سبەینێ ئێوارەکەی دۆخەکە ئاسایی دەبێتەوە.
بەشی پێشبینییەکانی کەشوهەوای هەرێمی کوردستان، ئەمڕۆ هەینی بڵاویکردووتەوە، پێشبینی دەکرێت ئەمشەو لە ناوچە شاخاوییە بەرزەکان و ناوچە سنوورییەکان بەفر ببارێت و لە هەندێک ناوچەش جار جارە دۆخەکە بۆ لێزمە باران بگۆڕێت.
هەروەها ئاماژەیداوە، سبەینێ شەممە لە کاتەکانی بەیانیدا نمە باران لە هەندێک ناوچە دەبارێت و هەندێک کات لە ناوچە شاخاوییەکان بۆ بارانی مامناوەند دەگۆڕێت، بەڵام لە دوای نیوەڕۆوە کۆتای بەم شەپۆڵە باران دێت .
