ئەمەریکا پشتیوانییەکانی بۆ خەڵکی سووریا دووپات دەکاتەوە
باڵیۆزخانەی ئەمەریکا لە دیمەشق بەبۆنەی ساڵی نوێوە لە پەیامێکدا هەڵوێستی پشتیوانیی ئەمەریکا بۆ خەڵکی سووریا و بنیادنانەوەی وڵاتەکە دووپات دەکاتەوە.
دانیێل ڕۆبنستین، باڵیۆزی ئەمەریکا لە دیمەشق، لە تۆڕی کۆمەڵایەتیی ئێکس، هەڵوێستی وڵاتەکەی دووپات کردووەتەوە و نووسیویەتی"دوای تێپەڕبوونی پێنج دەیە لە بەڕێکردنی دەسەڵاتی ڕژێمی ئەسەد، ئێستا دەرفەتێکی مێژوویی بنیاتنانەوەی سووریا بۆ خەڵکی سووریا ڕەخساوە و ئەمەریکاش پابەندی هاوکاریی سوورییەکانە."
ڕۆبنستن لە پەیامەکەیدا ڕاشیگەیاندووە "وڵاتەکەی پشتیوانییەکی تەواو لە ڕۆڵی ئافرەتانی سووریا دەکات بۆ ئەوەی بەشدارییەکانی چالاک و کارایان لە بنیاتنانەوەی وڵاتەکەیاندا هەبێت."
As we enter 2025, we stand with the Syrian people & look forward to a brighter future for the year ahead. After five decades of the Assad regime’s tyranny, Syrians have a rare opportunity to rebuild & reshape their country, & to forge a new, freer & inclusive society. pic.twitter.com/cjiqoCen1I
— U.S. Embassy Syria (@USEmbassySyria) January 1, 2025
هەرچەندە باڵیۆزخانەی ئەمەریکا لە دیمەشق تاوەکوو ئێستا بە داخراوی ماوەتەوە، بەڵام باڵیۆزخانەی چیک لە سووریا، بووەتە بریکار و پارێزەری بەرژەوەندییەکانی ئەمەریکا لە دیمەشق.