کەشناسی: ئەمڕۆ ئەگەری نمە بارانی بچڕ بچڕ هەیە
بەشی کەشناسیی هەرێمی کوردستان، لە وەزارەتی گواستنەوە و گەیاندن، کەشى پێشبینیکراوى 48 کاتژمێرى داهاتووی بڵاو کردەوە و ڕایدەگەیەنێت، ئەمڕۆ ئەگەری نمە بارانی بچڕ بچڕ هەیە.
بەگوێرەی بە گوێرەی پێشبینییەکانی کەشناسی هەرێم، هەینی، 7ـی شوباتی 2025، ئەگەری نمە بارانی بچڕ بچڕ هەیە و لەناوچە شاخاوییەکانیش ئەگەری کەمێک بەفر بارین هەیە، پلەکانی گەرما وەک تۆمارەکانی دوێنێ پێنجشەممە دەبن.
کەشناسی هەرێم، بڵاویکردووەتەوە، بۆ سبەی شەممە، 8ـی شوباتی 2025، بەهەمان شێوەیی ئەمڕۆ نمە باران دەبێت و لەناوچە شاخاوییەکان بەفر دەبارێت و پێشبینی دەكرێت لە پارێزگای سلێمانی و هەندێك لە قەزا و ناحیەكان ڕۆژهەڵاتی هەرێم بەفر بارین هەبێت.
بەرزترین پلەکانی گەرمای پێشبینیکراو بە پلەی سیلیزی:
هەولێر : 11 پلەى سیلیزى
سلێمانی : 8 پلەى سیلیزى
دهۆک : 12 پلەى سیلیزى
کەرکوک : 12 پلەى سیلیزى
زاخۆ : 13 پلەى سیلیزى
هەڵەبجە : 10 پلەى سیلیزى
حاجی ئۆمەران: 0 پلەى سیلیزى
سۆران: 10 پلەى سیلیزى
گەرمیان : 15 پلەى سیلیزى.