سەرۆکی ئاژانسی قەدەغەکردنی چەکی کیمیایی دەچێتە سووریا
سەرۆکی ئاژانسی قەدەغەکردنی چەکی کیمیایی دەچێتە سووریا و لەگەڵ ئەحمەد شەرع کۆ دەبێتەوە.
ئاژانسی ڕۆیتەرز لەسەر زاری سێ سەرچاوەی ئاگادارەوە بڵاوی کردووەتەوە، ئەمڕۆ شەممە، 08-02-2025، فێردیناند ئاریاس، سەرۆکی ئاژانسی قەدەغەکردنی چەکی کیمیایی لە جیهان دەچێتە دیمەشق.
بـــە گوێرەی هەمان سەرچاوە، فێردیناند ئاریاس لەگەڵ ئەحمەد شەرع، سەرۆکی سووریا و بەرپرسانی باڵای دیکەی ئەو وڵاتە کۆ دەبێتەوە.
بە گوێرەی ڕۆیتەرز، ئامانج لەسەردانەکەی سەرۆکی ئاژانسی قەدەغەکردنی چەکی کیمیایی بۆ سووریا، ڕزگارکردنی ئەو وڵاتەیە لە چەکە قەدەغەکراو و کیمیاییەکانی ڕژێمی ڕووخاوی سووریا.