نێچیرڤان بارزانی: بادینان هەموو کات نەیارانی پارتی بێ ئومێد کردووە
گشتی

لە ئاکرێ 300 بزن و کاریلەی ئاژەڵدارێک بەهۆی نەخۆشییەوە مردار بوونەوە

کوردستان نەخۆشی ئاژەڵان

ئاژەڵدارێکی گوندی خەردس لە ئاکرێ دەڵێت: بەهۆی نەخۆشییەوە نزیکەی 300 بزن و کاریلەم مرداربوونەتەوە؛ ڤێتێرنەری ئاکرێش ئاماژە بەوە دەکات، زۆرینەی ئەو ئاژەڵانەی کوتانیان بۆ نەکراوە، تووشی نەخۆشی بوونە.

پێنجشەممە، 3ـی نیسانی 2025، ئیدریس عەلی، ئاژەڵدارە و خاونی ئەو بزنانەیە بە ماڵپەڕی کوردستان24ـی ڕاگەیاند: نزیکەی 15ڕۆژ دەبێت ڕۆژانە چەند بزن و کاریلەیەکمان مردار دەبنەوە و بەگوێرەی لێکدانەوەکانی ئێمە نزیکەی 300 بزن و کاریلەمان مردار بوونەتەوە.

ئەو ئاژەڵدارە له‌ بارەی نەخۆشییەکە گوتی: پزیشکی ڤێتێرنەری هاتووە و دەرمانمان پێداون، بەڵام چارە نەکراون، پزیشکەکانیش دەڵێن، نەخۆشی تەبەقە.

دەربارەی ئەم بابەتە، عیماد محەمەد، بەڕێوەبەری ڤێتێرنەری ئاکرێ بە ماڵپەڕی کوردستان24ـی گوت: چەند ڕۆژێکە به‌ به‌رده‌وامی سەردانی شوێنی ئەو ئاژەڵدارە دەکەین و نموونەی خوێنی ئاژەڵەکانمان وەرگرتووە و ناردوومانە بۆ تاقیگەی ڤێتێرنەری دهۆک، تاوەکوو ئێستا ئەنجامی پشکنینەکان نەگەڕاونەتەوە، بەڵام گومان دەبەین نەخۆشی تەبەق بێت، چونکە ئێستا ئەو نەخۆشییە لە عێراق بڵاو بووەتەوە.

بەڕێوەبەری ڤێتێرنەری ئاکرێ گوتیشی: ئەو ئاژەڵدارە کوتانی وەرزی بۆ مەڕ و ماڵاتەکەی نه‌كردووە، ئەمەش هۆکاری سەرەکییانە بۆ تووشبوون بەو نەخۆشییە.

بەڕێوەبەری ڤێتێرنەری ئاکرێ جەخت لەوە دەکاتەوە، بەشێک لە ئاژەڵدارەکان مەڕ و ماڵاتییان کوتانیان بۆ نەکردووە، ئەمەش هۆکاری سەرەکییە بۆ تووشبوون بەو نەخۆشییە.

لە سنووری شارۆچکەی ئاکرێ زیاتر لە 500 هەزار مەڕ و بزن و 30 هەزار ڕەشەولاخ بەخێو دەکرێت.

نەخۆشی تەبەق چەند مانگێکە لە عێراق و هەرێمی کوردستان بڵاو بووەتەوە و ژمارەیەکیش ئاژەڵدار، بزن و کاریلەیان مردار بوونەتەوە.

 
 
 
 
 
شۆڕش هەرکی ,
Fly Erbil Advertisment