جێگری وەزیری دەرەوەی ئێران: پەیوەندییەکی باشمان لەگەڵ هەرێمی کوردستان هەیە
جێگری وەزیری دەرەوەی ئێران ڕایگەیاند، هەرێمی کوردستان دۆستێکی زۆر باشی ئێرانە و پەیوەندییەکی زۆر باشیان هەیە.
چوارشەممە 16ـی نیسانی 2025، سەعید خەتیب زادە، جێگری وەزیری دەرەوەی ئێران، لە وەڵامێکی تایبەت بە پرسیاری کوردستان24 سەبارەت بە گفتوگۆکانی تاران و ئەمەریکا ڕایگەیاند، هیواخوازن ئەمەریکییەکان بە خواستێکی ڕاستەقینەی باش بێنە سەر مێزی گفتوگۆ و باس لە ئەگەری هەڵگرتنی سزاکان لەسەر ئێران بکەن.
هەروەها هیوادارە کوردستان بووژانەوە، سەقامگیری و ئاشتی بەخۆیەوە ببینێت. گوتیشی: "هەرێمی کوردستان دۆستێکی زۆر باشی ئێرانە، پەیوەندییەکی چەند لایەنەی زۆر باشمان هەیە."