کەشناسیی هەرێم: پلەکانی گەرما بەرز دەبنەوە

بەڕێوەبەرایەتیی گشتی کەشناسیی و بوومەلەرزەزانیی هەرێمی کوردستان، کەشى پێشبینیکراوى 48 کاتژمێرى داهاتووی بڵاو کردەوە و ڕایگەیاند، پلەکانی گەرما کەمێک بەرز دەبنەوە.

بەڕێوەبەرایەتیی گشتی کەشناسیی ڕایگەیاند، پێشبینی دەکرێت، کەشی ئەمڕۆ یەکشەممە، 20-4-2025، ئاسمان ساماڵ و پەڵە هەور بێت، لە هەندێ کات و ناوچە دەگۆڕێت بۆ نیمچە هەور، هەروەها پلەکانی گەرما بەراوورد بە تۆمارەکراوەکانی دوێنێ کەمێک بەرز دەبنەوە.

ئاماژەی بەوەش کرد، پێشبینی دەکرێت کەشی سبەىنێ، دووشەممە، 21-4-2025، ئاسمان ساماڵ و پەڵە هەور دەبێت، لە هەندێ کات و ناوچە دەگۆڕێت بۆ نیمچە هەور، هەروەها پلەکانی گەرما بەراورد بە تۆمارکراوەکانی ئەمڕۆ کەمێک بەرز دەبنەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر : 28 پلەی سیلیزی

سلێمانی : 27 پلەی سیلیزی

دهۆک : 28 پلەی سیلیزی 

کەرکوک : 31 پلەی سیلیزی 

زاخۆ : 29 پلەی سیلیزی

هەڵەبجە : 26 پلەی سیلیزی

سۆران : 25 پلەی سیلیزی

حاجی ئۆمەران : 16 پلەی سیلیزی

گەرمیان :34 پلەی سیلیزی