سیاسی

لە ئەسفەهان ئاگر لە کارگەی قوماش کەوتەوە

ئێران ئاگر کەوتنەوە

درەنگانی شەوی هەینی، ئاگرێکی گەورە لە کارگەیەکی قوماش لە ناوچەی پیشەسازی مورجە خورت لە باکووری پارێزگای ئەسفەهان لە ناوەڕاستی ئێران کەوتەوە.

گوتەبێژی بەشی ئاگرکوژێنەوە و فریاکەوتنی شارەوانی ئەسفەهان ڕایگەیاند "ئاگرکوژێنەوە دەستبەجێ دوای وەرگرتنی ڕاپۆرت چوونەتە شوێنی ڕووداوەکە."

گوتەبێژەکە ڕوونیشی کردەوە، فراوانی کارگەکە و بوونی کەرەستەی سووتێنەر، جگە لە بای بەهێزی ناوچەکە، بەشداربووە لە بڵاوبوونەوەی بەرچاوی ئاگرەکە". 

ئاماژەی بەوەش کرد، دوای کوژانەوەی شوێنەکە و تەعقیمکردنی شوێنەکە، لێکۆڵینەوە لە هۆکاری ئاگرەکە دەستپێدەکات.

تا ئێستا هیچ هەواڵێکی پشتڕاستکراوە لەبارەی برینداربوون و زیانەکانی نەبووە و تیمەکانی ئاگرکوژێنەوە هێشتا کاردەکەن بۆ کۆنترۆڵکردنی تەواوی ئاگرەکە.

شاری پیشەسازی مۆرجە خورت، نزیکەی 45 کیلۆمەتر لە باکووری ناوەندی شاری ئەسفەهانەوە دوورە و کۆمەڵێک کارگەی گەورە و دامەزراوەی پیشەسازی لەخۆدەگرێت، ئەمەش وایکردووە ببێتە یەکێک لە گرنگترین ناوەندە پیشەسازییەکانی ناوچەکە.

 

 
 
لاڤین عومەر ,
Fly Erbil Advertisment