ئۆنروا: سەدان هەزار کەس لە غەززە لە برسێتیدان

عەدنان ئەبو حەسنە، گوتەبێژی دەزگای فریاگوزاری و کارەکانی نەتەوە یەکگرتووەکان بۆ پەنابەرانی فەلەستین (ئۆنروا) ئاشکرای کرد، سەدان هەزار کەس لە کەرتی غەززە لە برسێتیدان.

ئەبو حەسنە، لە لێدوانێکیدا ڕایگەیاند "300 هەزار فەلەستینی لە کەرتی غەززە لە مەترسییەکی گەورەدان".

گوتەبێژی ئۆنروا لە غەززە ڕاشیگەیاند "خەڵکی کەرتی غەززە بەهۆی برسێتی یان لەژێر بۆمباراندا دەمرن".

جەختیشی لەوە کردەوە، کەرتی غەززە بەدەست برسێتییەوە گرفتارن، داوای لە ئیسرائیل کرد ڕێگە بە هاتنە ناوەوەی یارمەتییە مرۆییەکان بدات.

لە کۆتایی قسەکانیشیدا گوتی: ئێمە داوای دەستێوەردانی بەپەلەی نێودەوڵەتی دەکەین بۆ ڕێگریکردن لە ئاوارەبوون و زیندانیکردنی فەلەستینییەکان لە ناوچەی ڕەفەح. 

فیلیپ لازارینی، کۆمیساری گشتیی ئۆنروا لە پۆستێکدا لە پلاتفۆرمی ئێکس ڕایگەیاند بوو، ئەو یارمەتییانەی دەگەنە کەرتی غەززە "دەرزییەکە لەناو کۆمەڵە پەلەوەرییەکدا".

لازارینی ئاماژەی بەوەش دا، فەلەستینییەکانی کەرتی غەززە، لە ژێر شەڕەکەدا، زیاتر لە 11 هەفتەیە بەدەست برسێتی و بێبەشی و نەبوونی پێداویستییە سەرەتاییەکانەوە گرفتارن.

جەختیشی لەوە کردەوە، ڕۆیشتنی کاریگەر و بەردەوامی هاوکارییەکان تاکە ڕێگایە بۆ ڕێگریکردن لە خراپتربوونی کارەساتەکە.

ڕوونیشی کردەوە، کەمترین پێویستی فەلەستینییەکان لە کەرتی غەززە "500-600 بارهەڵگر لە ڕۆژێکدا، لەلایەن نەتەوە یەکگرتووەکانەوە بەڕێوەدەبرێن، لەنێویاندا.