مه‌سرور بارزانی سه‌ره‌خۆشیی له عادل باخه‌وان ده‌كات
یه‌كشه‌ممه، 8ـی حوزه‌یرانی 2025، مه‌سرور بارزانی، سه‌رۆك وه‌زیرانی هه‌رێمی كوردستان پرسه‌نامه‌یه‌كی ئاراسته‌ی عادل باخەوان، بەڕێوەبەری ناوەندیی فەرەنسی بۆ توێژینەوە لەبارەی عێراق كرد به‌هۆی كۆچی دوایی باوكییه‌وه.
ده‌قی پرسه‌نامه‌كه
بەڕێز د.عادل باخەوان، بەڕێوەبەری ناوەندیی فەرەنسی بۆ توێژینەوە لەبارەی عێراق:
بۆ کۆچی دوایی باوکی بەڕێزتان، پرسە و سەرەخۆشیتان لێ دەکەم و هاوبەشی خەمتانم. خوای مەزن گیانی خوالێخۆشبوو بە بەهەشت شاد بکات و سەبر و ئارامییش بە ئێوە و بنەماڵەکەتان ببەخشێت.
مەسرور بارزانی
سەرۆکی حکوومەتی هەرێمی کوردستان
