محەممەد حاجی مەحموود: لە 2014ـەوە عێراق ھەڕەشە و ستەم لە کورد دەکات
سەرۆکی پارتی سۆسیال دیموکراتی کوردستان ڕایگەیاند، بەهۆی ئەوەی عێراق ئەو هەموو ستمە لە کورد دەکات، بۆیە کورد مافی خۆیەتی ئاو و کارەبا لەسەر عێراق ببڕێت و بایکۆتی هەڵبژاردنیش بکات.
پێنجشەممە 12ـی حوزەیرانی 2025، محەممەد حاجی مەحموود، سەرۆکی پارتی سۆسیال دیموکراتی کوردستان، بە ڕۆژنامەنووسانی گوت: لە 2014ـەوە عێراق ھەڕەشە و ستەم لە کورد دەکات و، بودجە و مووچەی ڕادەگرێت.
سەرۆکی پارتی سۆسیال دیموکراتی کوردستان، ئاماژەی بەوە کرد، عێراق ئەمجارە لەبری کیمیابارن و ئەنفال، دەیەوێت بە شێوەیەکی دیکە لە کورد بدات.
جەختی لەوە کردەوە، کورد مافی خۆیەتی ئاو و کارەبا لەسەر عێراق ببڕێت و بایکۆتی هەڵبژاردنیش بکات.
