بۆڵتۆن: ناتوانین دڵنیابین لەوەی ئێران هەوڵی پەرەپێدانی چەکی ئەتۆمی نادات

لە میانی دەرکەوتنی لە پۆدکاستێکی فاینانشیاڵ تایمزدا، جۆن بۆڵتۆن، ڕاوێژکاری پێشووی ئاسایشی نەتەوە یەکگرتووەکانی ئەمەریکا، بە توندی ڕەخنەی توندی لە دۆناڵد ترەمپ گرت، لە ستراتیجی ئێرانی و گومانی لە ئەگەری بەدیهێنانی هەر ئاشتییەکی ڕاستەقینە لەگەڵ تاران، دەربڕی.

بۆڵتۆن، پشتگیریی لە هێرشە ئاسمانییەکانی ئەمەریکا کرد کە هەفتەی ڕابردوو سێ پێگەی ئەتۆمی ئێرانی بۆمباران کرد، بەڵام گوتی:  پاڵنەرەکانی ترەمپ زیاتر کەسایەتییە نەک ستراتیجی.

بۆڵتۆن دەڵێت: پێم وایە ترەمپ هەڵبژێردراوە بۆ خەڵاتی نۆبڵی ئاشتیی، هەروەها پێشتر بانگەشەی ڕگرتنی جەنگی نێوان ڕووسیا و ئۆکرانیا دەکرد، ئەوەش ڕووی نەدا.

چەند کەسایەتییەکی کۆمارییەکان هەوڵی کاندیدکردنی ترەمپ بۆ خەڵاتی نۆبڵی ئاشتی دەدەن. ترەمپ، بە ئاشکرا بێزاری خۆی لە چاوپۆشیکردن لە پێدانی خەڵاتە نێودەوڵەتییەکان دەربڕی، سەرەڕای هەوڵەکانی بۆ هێنانەدی ئاشتی بۆ ئۆکرانیا و ڕواندا و ناوچەکانی دیکە. 

بۆڵتۆن، ڕەخنەی لە هەر پلانێکی ئەمەریکا گرت بۆ ئەوەی ئێران  30 ملیار دۆلار وەک بودجە بۆ پشتیوانیی لە بەرنامەیەکی ئەتۆمیی مەدەنی دەست بکەوێت و بە شتێکی بێمانای لەقەڵەم دا، بەڵام ترەمپ ئەو هەواڵانە ڕەت دەکاتەوە.

بۆڵتۆن دەڵێت: ئەمە شێتییە، من پلانێک نابینم بۆ ئەوەی دڵنیابین لەوەی ئێران هەوڵی پەرەپێدانی چەکی ئەتۆمی نادات، چونکە ئەوە پێویستی بە چاودێرییەکی توند هەیە و سەرکردایەتیی ئێران هەرگیز قبووڵی ناکات."

لە کاتێکدا ترەمپ هێرشەکانی ئەم دواییەی بە "هەنگاوێکی تاکتیکی سنووردار" بۆ پەکخستنی ژێرخانی ئەتۆمی ئێران و کردنەوەی دەرگایەک بۆ دانوستان، ناساند، بەڵام دواتر هەڕەشەی لە هێرشی زیاتر کرد ئەگەر نیگەرانییەکان سەبارەت بە بەرنامەی ئەتۆمیی ئێران، پەرە بسەنن.