شاندی حكومە‌تی ھەرێمی كوردستان گە‌یشتە بەغدا
گفتوگۆ لەسەر چەند پرسێك دەكەن
K24 - ھەولێر
شاندی حكومە‌تی ھەرێمی كوردستان بە سە‌رۆكایە‌تی قوباد تاڵە‌بانی، جێگری سە‌رۆكی ئە‌نجومە‌نی وە‌زیران، گە‌یشتە بەغدا.
سەمیر ھەورامی وتە‌بێژی جێگری سە‌رۆكی حكومە‌تی ھەرێمی كوردستان بە كوردستان24ی ر‌ایگە‌یاند: "ئامانجی سە‌ردانی شاندی حكومە‌تی ھە‌رێم بە‌ردە‌وامیدانە بە كۆبوونە‌وە‌كانی نێوان ھە‌رێم و بەغدا، لە‌بارە‌ی كێشە ھە‌ڵپە‌سێردراوە‌كان و بە‌تایبە‌ت پرسی شایستە داراییە‌كانی ھەرێمی كوردستان و چۆنییە‌تی جێگیر كردنیان لە پڕۆژە یاسای بودجە‌ی گشتی عێراق بۆ ساڵی 2021".
راشیگەیاند: "حكومە‌تی ھە‌رێم ئامادە‌یی دە‌ربڕیوە بۆ رێككە‌وتن لە‌گە‌ڵ حكومە‌تی فیدراڵی سە‌بارە‌ت بە پرسی داھاتی نە‌وتی و نا نە‌وتی و داھاتی دە‌روازە سنورییە‌كان".
سەمیر ھەورامی، گوتیشی: "ھە‌ر ئە‌مڕۆ كۆبوونە‌وە‌كان دە‌ستپێدە‌كە‌ن و چەند لیژنە‌یە‌كی لاوە‌كیش پێكھێنراون بۆ ئە‌وە‌ی لەسەر وردە‌كاری یاسایی بابە‌تە‌كان گفتوگۆ بكەن و دە‌رچە‌یە‌كی ھاوبە‌ش دیاری بكەن بۆ گرفتە‌كان".
