پەیامێکی سەرەخۆشی لە سەرۆکی حکومەتی هەرێمی کوردستانه‌وه
مه‌سرور بارزانی، سه‌رۆكی حكومه‌تی هه‌رێمی كوردستان، سه‌ره‌خۆشی له جه‌عفه‌ر شێخ مسته‌فا ده‌كات
K24 - هه‌ولێر:
مه‌سرور بارزانی، سه‌رۆكی حكومه‌تی هه‌رێمی كوردستان، به‌هۆی كۆچی دوایی هاوسه‌ری شێخ جه‌عفه‌ر شێخ مسته‌فا، جێگری سه‌رۆكی هه‌رێمی كوردستان، په‌یامێكی سه‌ره‌خۆشی بڵاوكرده‌وه و دڵنه‌وایی جێگری سه‌رۆكی هه‌رێم و كه‌سوكار و خانه‌واده‌ی كۆچكردوو ده‌داته‌وه.
رۆژی یه‌كشه‌ممه، 20/9/2020، پڕشنگ ره‌شید عه‌بدولكه‌ریم، خێزانی شێخ جه‌عفه‌ر شێخ مسته‌فا جێگری سه‌رۆكی هه‌رێمی كوردستان كۆچی دوایی كرد.
ده‌قی په‌یامه‌كه‌ی سه‌رۆكی حكومه‌تی هه‌رێمی كوردستان:
"بەڕێز شێخ جەعفەر شێخ مستەفا، جێگری سەرۆکی هەرێمی کوردستان.
بە داخەوە هەواڵی کۆچی دوایی خاتوو ( پڕشنگ ڕەشید عەبدولکەریم ) ی هاوسەری بەڕێزتانم بیست . پرسە و سەرەخۆشیتان لێدەکەم و هیوادارم خوای مەزن گیانی بە بەهەشت شاد بکات و ئارامی و دڵنەواییش بە ئێوە ببەخشێت .
مەسرور بارزانی
سەرۆکی حکومەتی هەرێمی کوردستان
2020/9/21"
