وێنەی کەسایەتییە ناودارەکانی کورد لەسەر دیوارەکانی 'جەزیرەی بوتان' نەخشێنران
لە نوێترین چالاکی شارەوانیی شارۆچکەی 'جەزیرەی بوتان'ـی پارێزگای شرنەخی باکووری کوردستان؛ وێنەی کەسایەتییە مێژووییە بەناوبانگەکانی فەرهەنگ و هونەری کوردی لەسەر دیوارەکانی شارۆچکەکە نەخشێنران. هاوسەرۆکانی شارەوانییەکە، سیزرێ بۆتان و عەبدولاهیم دورموش ڕایانگەیاند: بە بەرپرسیارێتیی خۆامنی دەزانین گرنگی بە میراتی دەوڵەمەندی ئەم خاکە بدەین، کە زۆرێک لە زانا و گۆرانیبێژ و میوزیکژەن و شاعیر لەم خاکەوە لە دایک بوون. ئامانجمانە هەم گرنگی بە بەهاکانمان بدەین و هەم بە نەوە نوێیەکان بیانناسێنین.
هەردوو وێنەکێش 'بێسنا ئاکو و مەهمەت ئایدین' وێنەی ئەم کەسایەتییە کوردانەیان نەخشاندووە: عارف جزیری، جەلادەت عەلی بەدرخان، حەسەن جزیری، مەلای جزیری، مەریەم خان، ئایشەشان، محەممەد شێخۆ، مەحمەد ئوزون، ئەحمەدی خانی، فەقی تەیران، سوسیکا سیمۆ، جەگەرخوین، ئیسماعیل عیبولیز و و ئەژدەری دووەمی بۆتان.
