كاروانێكی ھاوپەیمانان بە مووشەك كرایە ئامانج

K24 – ھەولێر:

سەرچاوەیەكی ئەمنی عێراقی، ئەمڕۆ پێنجشەممە رایگەیاند، كاروانێكی لۆجستیی ھاوپەیمانی نێودەوڵەتی بە مووشەكێك كراوەتە ئامانج لە پارێزگای بابل و ھیچ زیانێكی گیانیی لێنەكەوتووەتەوە.

سەرچاوەكە گوتیشی: كاروانێكی لۆجستی سەر بە ھاوپەیمانی نێودەوڵەتی كراوەتە ئامانج بە مووشەكێك و بەر یەكێك لە كۆنتێنەرەكانی كاروانەكە كەوتووە بەبێ ئەوەی بتەقێتەوە لە ناوچەو "الشوملی" لە پارێزگای بابل.

سەرچاوەكە روونیشكردەوە، رووداوەكە زیانێكی ماددی كەمی لێكەوتووەتەوە بەبێ ئەوەی ھیچ قوربانیەكی گیانیی ھەبێت و كاروانەكە بەردەوام بووە لە سەر ریڕەوی خۆی بەرەو ئاراستە دەستنیشانكراوەكەی خۆی.