یادی لە دایکبوونی فەرهاد پیرباڵ کرایەوە
لە پارکی شانەدەر لە هەولێر، ناوەندی ڕۆشنبیری مەم و زین بەبۆنەی یادی لەدایکبوونی د. فەرهاد پیرباڵ کۆمەڵێک چالاکی شانۆگەری و تابلۆ و نمایشی کتێبی رێکخست.
ئەمڕۆ چوارشەممە، 20ـی ئابی 2025، بەبۆنەی یادی لە دایکبوونییەوە، د. فەرهاد پیرباڵ بە کوردستان24ـی گوت: لە ڕۆژی لە دایکبوونم یەک داواکاریم هەیە، ئەرشیڤخانەکەم کە هەمووی ژیانی خۆم لەسەر داناوە و چەندین وڵات گەڕاوم و کۆپی ڕۆژنامەی کوردستان ئۆرجیناڵەکەم هەیە، شوێنێک بۆ کتێبەکانم بکرێتە مۆزەخانەیەک بۆ ئەوەی هاووڵاتییان و خوێنەران سوودی لێ ببینن.
گوتیشی: من موڵکی هەموو کوردستانم و دەمەوێت هەموو کەس سوود لەو کتێبخانەیە وەربگرێت و ببێتە موڵکی گشتیی.
فەرهاد پیرباڵ، لە 20ـی ئابی 1961 لەدایکبووە و خاوەنی91 کتێبی ئەدەبی و هونەری و زانستییە.
ئەم ناونیشانانەش بەشێکن لە بەرهەمەکانی :
- ماڵئاوا ئەی وڵاتەکەم.
- سەرچاوەکانی کوردناسی.
- وێنەی کورد لە ئەرشیفی کوردناسەکاندا.
- ئینجیل لە مێژووى ئەدەبیاتی کوردیدا.
- دەستپێکی سەرھەڵدانی پەخشانی کوردی.
- پەتاتەخۆرەکان.
- پەناهەندەى ژمارە 33333.
- مولازم تەحسین و شتی تریش.
- جیاوازی نێوان من و شێت.
- حەوت وێنەی ڕووتی ژنی جەنابی وەزیر.
- حەشیشکێشەکان.
- سانتیاگۆ دی کۆمپۆستێلا.
- منداڵباز.
- پیاوێکی شەپقەڕەشی پاڵتۆڕەشی پێڵاوشین.
- ژەنەراڵ شەریف پاشا.
- عەبدولڕەحیم ڕەحمی ھەکاری.
- ھوتێل ئەوروپا.
- ڕێبازە ئەدەبییەکان.
- نووسەرێکی گێل.
- حەکایەتەکانی باوکم.
- قەبرێکی سێگۆشە.
- کۆمەڵگای مەدەنی.
- زمانى حەیزەران.
- باوک (شانۆنامە) .
- کرۆنۆلۆجیاى کوردستان.
- گوڵبژێرێک لە شیعرەکانى ژاک پریڤێر.
- چەند نامەیەکى فەڕەنسی.
- زێڕی ناو زبڵ.
- بەیانى باش ئەى غەریبی.ڕەئیس ڕەمەزانەکان.
