زەریف: سزا نوێیەكانی ئەمەریكا ئەو رێگایانەی مابوون بۆ كڕینی خۆراك و دەرمان دایخستن
تاوانباران و یاریدەدەرانیان لەو كارە رووبەڕووی دادپەروەری دەبنەوە
K24 – ھەولێر:
وەزیری دەرەوەی ئێران، محەمەد جەواد زەریف رایگەیاند، سزا نوێیەكانی ئەمەریكا ئەو رێگایانەی لە پێش وڵاتەكەی كراوە مابوون بۆ كڕینی خۆراك و دەرمان ئەوانیشی كردە ئامانج.
زەریف لە تویتێكدا لە "تویتەر" نووسیویەتی: "ئێرانییەكان لە كارە دڕندانەی ئەم دواییە رزگاریان دەبێت".
گوتیشی: پیلانگێڕان بۆ برسیكردنی دانیشتوان تاوانێكە دژی مرۆڤایەتی، تاوانباران و یاریدەدەرانیان لەو كاری قەدەغەكردنی سامانەكانمان، رووبەڕووی دادپەرەوەری دەبنەوە".
