ئه‌ردۆغان نامه‌یه‌كی ده‌ستنووس بۆ مسته‌فا كازمی ده‌نێرێت
كازمی بانگهێشتی توركیا ده‌كات
K24- هه‌ولێر:
حكومه‌تی عێراق رایگه‌یاند، نامه‌یه‌كی ده‌ستنووس له ره‌جه‌ب ته‌یب ئه‌ردۆغان سه‌رۆك كۆماری توركیاوه به ده‌ست مسته‌فا كازمی، سه‌رۆك وه‌زیرانی عێراق گه‌یشتووه و تێیدا كازمیی بانگهێشتی توركیای كردووه.
له به‌یاننامه‌یه‌كی حكومه‌تی عێراقدا ئاماژه به‌وه دراوه، "كازمی نامه‌یه‌كی ده‌ستنووسی ئه‌ردۆغانی به‌ده‌ست گه‌یشتووه، ناوه‌ڕۆكه‌كه‌ی بانگهێشتنامه‌یه‌كی فه‌رمیی بۆ توركیا له‌خۆ ده‌گرێت و نامه‌كه له رێگه‌ی فاتح یه‌ڵدز، باڵیۆزی توركیاوه گه‌یه‌ندراوه‌ته ده‌ستی كازمی".
وه‌ك له به‌یاننامه‌كه‌ی حكومه‌تی عێراقدا هاتووه، "له‌و دیداره‌ی نێوان كازمی و یه‌ڵدزدا گفتوگۆ له‌باره‌ی په‌یوه‌ندی نێوان هه‌ردوو وڵات له بواره جیاوازه‌كاندا كرا".
H.B
