سه‌رۆك بارزانی: پێویسته ته‌حه‌ددیاته‌كانی به‌رده‌م جێبه‌جێكردنی رێكه‌وتنی شنگال نه‌مێنن
سەرۆك بارزانی پێشوازی لە باڵیۆزی بریتانیا لە عێراق دەكات
K24- هه‌ولێر:
رۆژی چوارشەممە 14ـی تشرینی یەكەمی 2020 لە سەلاحەددین سەرۆك مەسعود بارزانی پێشوازی لە ستیڤێن هیكس، باڵیۆزی به‌ریتانیا لە عێراق كرد.
لە دیدارەكەدا بارودۆخی سیاسی و ئەمنی و ئابووریی عێراق و لێكەوتەكانی پەتای كۆرۆنا لەسەر ژیانی گشتیی لە هەرێمی كوردستان و عێراقی فیدڕاڵ تاوتوێ كرا. هەروەها رۆشنایی خرایە سەر مەترسییەكانی تیرۆر و ئەو تەحەددیاتانەی رووبەڕووی پڕۆسەی سیاسیی عێراق و هەرێمی كوردستان دەبنەوە.
هەر لەو دیدارەدا باڵیۆزی به‌ریتانیا لە عێراق دەستخۆشی لە رێكەوتنی ئاساییكردنەوەی بارودۆخی شنگال كرد، كە لەنێوان حكومەتی فیدڕاڵی عێراق و حكومەتی هەرێمی كوردستان بەستراوە و هیوای ئەوەی خواست، ئەو رێكەوتنە جێبەجێ بكرێت. پەیوەست بەم بابەتەوە سەرۆك بارزانی پاڵپشتیی خۆی بۆ حكومەتەكەی مستەفا كازمی و رێكەوتنی شنگال دووپات كردەوە و ئەوەشی خستەڕوو، كە پێویستە ئەو تەحەددیاتانە نەمێنن، كە رێگرن لەبەردەم جێبەجێكردنی رێكەوتنی شنگال و گەڕانەوەی ئاوارەكان.
هەڵبژاردنەكانی داهاتووی عێراق تەوەرێكی دیكه‌ی ئەو دیدارە بوو.
H.B
