په‌یامی كونسۆڵخانه و نوێنه‌رایه‌تی وڵاتان بۆ كۆچی دوایی فرسه‌ت سۆفی
كۆچی دوایی فرسه‌ت سۆفی ته‌واوی كۆنسوڵخانه و نوینه‌رایه‌تی وڵاتانی له هه‌رێمی كوردستان نیگه‌ران كردووه
K24- هه‌ولێر:
به‌بۆنه‌ی كۆچی دوایی فرسه‌ت سۆفی، پارێزگاری هه‌ولێر، نوێنه‌رایه‌تی و كونسۆڵخانه‌ی وڵاتان له هه‌رێمی كوردستان هاوخه‌می خۆیان راگه‌یاند و په‌یامی سه‌ره‌خۆشی خۆیان ئاراسته‌ی بنه‌ماڵه و كه‌سوكاری دكتۆر فرسه‌ت و حكومه‌ت و خه‌ڵكی هه‌رێمی كوردستان و خه‌ڵكی شاری هه‌ولێر به تایبه‌تی كرد.
نوێنه‌رایه‌تی كه‌نه‌دا له هه‌ولێر:
له‌مباره‌یه‌وه ئاشلی دوریك، سه‌رۆكی نوێنه‌رایه‌تی كه‌نه‌دا له هه‌ولێر له په‌یامێكدا له تۆڕی كۆمه‌ڵایه‌تی تویته‌ر پرسه و سه‌ره‌خۆشی خۆی بۆ كۆچی دوایی پارێزگاری هه‌ولێر راگه‌یاند و نووسیویه‌تی: "زۆر به‌داخه‌وه بۆ بیستنی هه‌واڵی كۆچی دوایی د. فرسه‌ت سۆفی. ئه‌و نوێنه‌رایه‌تی هه‌ولێری ده‌كرد، ئه‌وپه‌ڕی سه‌ره‌خۆشی له ئازیزانی و دۆست و هاوكارانی ده‌كه‌ین".
So sorry to hearing of the passing of the Governor of Erbil, H.E. Dr. #Firsat_Sofi. He was a tireless advocate for #Erbil. My deepest condolences to his loved ones, friends and colleagues. https://t.co/mZNPdItWb8
— Ashley Durec ?? (@AshleyDurec) November 18, 2020
كۆنسوڵخانه‌ی پۆڵه‌ندا له هه‌ولێر:
هاوكات له تویتێكدا كونسۆڵخانه‌ی پۆڵه‌ندا له هه‌ولێر له په‌یامێكی سه‌ره‌خۆشیدا له تۆڕی تویته‌ر، هاوسۆزی خۆی بۆ خانه‌واده، كه‌سوكار و ته‌واوی خه‌ڵكی هه‌ولێر نیشاندا و نووسیویه‌تی: "كۆچی دوایی پارێزگاری هه‌ولێر تیمه‌كه‌مانی زۆر نیگه‌ران كردووه، هاوسۆزی خۆمان له‌گه‌ڵ خانه‌واده، هاوكار و هاووڵاتیانی هه‌ولێر راده‌گه‌یه‌نین، هیوای خۆڕاگرییان بۆ ده‌خوازین، بۆ رووبه‌ڕووبوونه‌وه‌ی ئه‌و خه‌ساره‌ته گه‌وره‌یه".
@PLinErbil team is deeply saddened by the untimely passing of Erbil Governor, Dr Firsat Sofi. Our sympathy goes out to his family, colleagues and fellow citizens of Erbil and the Kurdistan Region. We wish them every strength to cope with this great loss.
— PLinErbil (@PLinErbil) November 18, 2020
كۆنسوڵخانه‌ی گشتیی هۆڵه‌ندا له هه‌ولێر:
هاوكات هانس ئاكروبوم، كونسۆڵی گشتیی هۆڵه‌ندا له هه‌رێمی كوردستان له هه‌ژماری تایبه‌تی خۆی له تۆڕی تویته‌ر په‌یامێكی سه‌ره‌خۆشی به‌بۆنه‌ی كۆچی دوایی فرسه‌ت سۆفی، پارێزگاری هه‌ولێر راگه‌یاند و گوتی: "كونسوڵخانه‌ی هۆڵه‌ندا له هه‌ولێر سه‌ره‌خۆشی خۆی به‌بۆنه‌ی كۆچی دوایی فرسه‌ت سۆفی، پارێزگاری هه‌ولێر راده‌گه‌یه‌نێت، هاوسۆزین له‌گه‌ڵ خانه‌واده، هاوڕێیانی و سه‌رجه‌م خه‌ڵكی هه‌ولێر و هه‌رێمی كوردستان".
The Netherlands Consulate in #Erbil extends condolences on the passing of Erbil Governor, Dr. Firsat Sofi. Our thoughts are with his family, friends, the people of Erbil and KRI. #Covid_19 pic.twitter.com/3kmGJqoDCj
— Hans Akerboom (@jtmakerboom) November 18, 2020
كۆنسوڵخانه‌ی گشتیی توركیا له هه‌ولێر:
هه‌روه‌ها كۆنسوڵخانه‌ی توركیا له هه‌ولێر له هه‌ژماری تایبه‌تی خۆی له تویته‌ر هاوخه‌می خۆی به‌و بۆنه‌یه‌وه نیشاندا و نووسیویه‌تی: "به‌داخه‌وه ئه‌مڕۆ هه‌واڵی كۆچی دوایی فرسه‌ت سۆفی، پارێزگاری هه‌ولێرمان بیست، له خودای گه‌وره داواكارین به‌ر ره‌حمه‌تی خۆی بخات و سه‌ره‌خۆشی له خانه‌واده‌كه‌ی ده‌كه‌ین".
Erbil Valisi Fersat Sofi’nin bugün vefat ettiğini üzüntüyle öğrendik. Kendisine Allah’tan rahmet, kederli ailesine başsağlığı diliyoruz. pic.twitter.com/QbcPOeGUTO
— T.C. Erbil BK (@ErbilBK) November 18, 2020
كۆنسوڵخانه‌ی هیندستان له هه‌ولێر:
كۆنسوڵخانه‌ی هیندستانیش له په‌یامێكی سه‌ره‌خۆشی و هاوسۆزیدا بۆ كۆچی دوایی پارێزگاری هه‌ولێر كه له هه‌ژماری تایبه‌تی خۆی له تۆڕی تویته‌ر بڵاویكردووه‌ته‌وه، گوتی: "كۆچی دوایی له‌ناكاوی دكتۆر فه‌رسه‌ت سۆفی خه‌فه‌تێكی گه‌وره‌یه، به نوینه‌رایه‌تی كۆنسوڵخانه‌ی گشتی و گه‌لی هیندستان، ئه‌وپه‌ڕی سه‌ره‌خۆشی خۆمان له خانه‌واده‌ی پارێزگاری كۆچكردوو و گه‌لی هه‌رێمی كوردستانی عێراق ده‌كه‌ین، خودالێخۆشبوو له هزر و نزاكانماندا به‌زیندوویی ده‌مێنێته‌وه".
Deeply saddened by the untimely demise of Dr. Farsat Sofi. On behalf of the CGI and people of India, I extend our heartfelt condolences to the Late Governor's family, friends and the people of KRI. He will always remain in our thoughts and prayers. May God rest his soul in peace! pic.twitter.com/qrGxs49iSx
— IndiaInErbil (@IndiaInErbil) November 18, 2020
كۆنسوڵخانه‌ی فه‌ره‌نسا له هه‌ولێر:
هه‌روه‌ها كۆنسوڵخانه‌ی فه‌ره‌نسا په‌یامێكی ماته‌مینی له تۆڕی تویته‌ر ئاراسته‌ی خانه‌واده‌ی پارێزگاری هه‌ولێر كرد و رایگه‌یاند: "سەرەخۆشی خۆمان ئاراستەی خانەوادە و هاوکارانی پارێزگاری هەولێر، د. فورسەت سۆفی، دراوسێ و دۆستی کۆنسوڵخانەکەمان دەکەین، کە ئەم بەیانییە زووە ئێمەی بەجێهێشت".
سەرەخۆشی خۆمان ئاراستەی خانەوادە و هاوکارانی پارێزگاری هەولێر، د. فورسەت سۆفی، دراوسێ و دۆستی کونسۆلخانەکەمان، دەکەین کە ئەم بەیانییە زووە ئێمەی بەجێهێشت
— CG Olivier Decottignies (@O_Decottignies) November 18, 2020
Sincères condoléances à la famille et aux collaborateurs du Gouverneur d'Erbil, Firsat Sofi, voisin et ami de notre consulat pic.twitter.com/kDxuyr3Hdp
كونسۆڵخانه‌ی ئیتاڵیا له هه‌ولێر:
له‌لایه‌كی دیكه‌وه، سێرێنا مورۆنی، كۆنسوڵی گشتیی ئیتاڵیا له په‌یامێكدا له تۆڕی تویته‌ر هاوخه‌می خۆی بۆ كۆچی دوایی پارێزگاری هه‌ولێر نیشاندا و له تویته‌كه‌یدا نووسیویه‌تی: "كۆچی دوایی د. فرسه‌ت سۆفی خه‌فه‌تێكی گه‌وره‌یه، سه‌ره‌خۆشی خۆمان ئاراسته‌ی خانه‌واده و ئازیزانی و هه‌روه‌ها گه‌لی هه‌ولێر و كوردستان ده‌كه‌ین".
Very saddened by the passing of the Governor of Erbil, H.E. Dr. #Firsat_Sofi. Our deepest condolences to his family and loved ones, and to the Government and people of #Erbil and #Kurdistan https://t.co/p5mG5mg32d
— Serena Muroni (@seremuroni) November 18, 2020
كۆنسوڵی گشتی به‌ریتانیا له هه‌ولێر:
هاوكات جێیمس تۆرنتۆن، كۆنسوڵی گشتی به‌ریتانیا له هه‌ولێر له په‌یامێكدا بۆ كۆچی دوایی پارێزگاری هه‌ولێر، كه له تۆڕی تویته‌ر بڵاویكردووه‌ته‌وه، هاوخه‌می خۆی نیشاندا و گوتی: "به بیستنی كۆچی دوایی فرسه‌ت سۆفی، پارێزگاری هه‌ولێر به ڤایرۆسی كۆرۆنا زۆر خه‌فه‌تبار بووم، ئه‌و كه‌سێكی زۆر ناسراو و خۆشه‌ویست بوو و كاره‌كانی به جددی ئه‌نجامده‌دا. كۆستێكی گه‌وره‌یه كه له ته‌مه‌نێكی زوودا كۆچی دوایی كرد".
I was very sorry to hear of the death of Firsat Sofi, Governor of Erbil, of Coronavirus. He was well-known, much loved and extremely hard-working. A tragedy that he should have died so young. #TwitterKurds https://t.co/qPJxVl2jLj
— James Thornton (@UKThornton) November 18, 2020
كۆسوڵخانه‌ی گشتی كوه‌یت له هه‌ولێر:
هه‌ر به‌و بۆنه‌یه‌وه كۆنسوڵخانه‌ی گشتیی كوه‌یت له هه‌ولێر له دوو راگه‌یه‌ندراوی جیاوازدا كه ئاراسته‌ی حكومه‌تی هه‌رێمی كوردستان و پارێزگای هه‌ولێری كردووه، هاوخه‌می خۆی بۆ كۆچی دوایی فرسه‌ت سۆفی راگه‌یاند و دووپاتیكرده‌وه، "به خه‌م و په‌ژاره‌یه‌كی زۆره‌وه هه‌واڵی كۆچی دوایی خوالێخۆشبێت دكتۆر فرسه‌ت سۆفی، پارێزگاری هه‌ولێرمان پێ گه‌یشت. له‌و كۆسته‌دا هاوبه‌شی خه‌متانین. ئه‌وپه‌ڕی سه‌ره‌خۆشی خۆمان ئاراسته‌ی ئێوه ده‌كه‌ین و له یه‌زدانی به‌توانا داواكارین كۆچكردوو به‌ر ره‌حمه‌تی خۆی بخات و به به‌هه‌شتی به‌رین شادی بكات و به‌ر ره‌زامه‌ندی خۆی بخات".
شاره‌وانی پاریس:
هه‌ر به‌و بۆنه‌یه‌وه له فه‌ره‌نساشه‌وه ئارنۆ نگاتچا، جێگری سەرۆکی شارەوانی پاریس و بەرپرسی په‌یوەندیە نێودەوڵەتییه‌كان لە شارەوانی پاریس له تویتێكدا نیگه‌رانی خۆی راگه‌یاند و گوتی: "به‌خه‌مێكی زۆره‌وه هه‌واڵی كۆچی دوایی دكتۆر فرسه‌ت سۆفی، پارێزگاری هه‌ولێرمان بیست، ئه‌مه خه‌ساره‌تێكی گه‌وره بوو بۆ كوردستانی عێراق. ئه‌وپه‌ڕی پرسه و سه‌ره‌خۆشی خۆم ئاراسته‌ی كه‌سه نزیكه‌كانی و گه‌لی كورد ده‌كه‌م".
It is with great sorrow that we learned today of the death of Dr. Firsat Sofi, Governor of Erbil. It is a major loss for Iraqi Kurdistan. I extend my deepest condolences to his relatives and to the Kurdish people. pic.twitter.com/q5iXvbkmOH
— Arnaud Ngatcha (@ANgatcha9) November 18, 2020
كۆنسوڵخانه‌ی كۆریای باشوور له هه‌ولێر:
كۆنسوڵخانه‌ی كۆریای باشووریش له په‌یامێكی ماته‌مینیدا كه به زمانی كوردی له په‌یجی تایبه‌تی خۆی له تۆڕی كۆمه‌ڵایه‌تی فه‌یسبووك بڵاویكردووه‌ته‌وه، رایگه‌یاند: " دلتەنگ بووین بە هەواڵی کۆچی دوایی د. فەرسەت سۆفی، پارێزگاری هەولێر. کۆنسوڵخانەی کۆریا پرسەو سەرەخۆشی خۆی ئاراستەی خانەوادە و ئازیزانی دەکات و هاوخەمی خۆشی بۆ خەڵکی هەولێر و هه‌رێمی کوردستان دەردەبڕێت".
H.B
