سەرۆک بارزانی سەرەخۆشی لە خانەوادەی "لاوکۆ مامەند مەسیح" دەکات
ئەمڕۆ شەممە، 10ـی کانوونی دووەمی 2026، بەبۆنەی کۆچی دوایی (لاوکۆ مامەند مەسیح)، تێکۆشەری هەردوو شۆڕشی ئەیلوول و گوڵان، سەرۆک بارزانی پەیامێکی هاوخەمیی بڵاوکردەوە و سەرەخۆشی لە خانەوادەکەی کرد.
دەقی پەیامی سەرۆک بارزانی؛
بەناوی خودای مەزن و دلۆڤان
بە داخێكی زۆرەوە هەواڵی كۆچی دوایی پێشمەرگەی كۆماری كوردستان و یاوەری بارزانیی نەمر و پێشمەرگەی هەردوو شۆڕشی ئەیلوول و گوڵان (لاوكۆ مامەند مەسیح)ـم پێ گەییشت كە تەمەنی پڕ لە شانازیی خۆی لەپێناو شۆڕش و خەبات و تێكۆشانی گەلەكەی تەرخان كرد.
پرسە و سەرەخۆشیی خۆم ئاراستەی خانەوادەی تێكۆشەر و كەسوكاری بەڕێزی خواڵێخۆشبوو لاوكۆ مامەند مەسیح و هەڤاڵ و هاوسەنگەرانی دەكەم و خۆم بە هاوبەشی خەمیان دەزانم. لە خودای مەزن داواكارم ڕۆحی خواڵێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.