راگەیاندراوێك لە وەزارەتی ناوخۆی حكومه‌تی هه‌رێمی كوردستانه‌وه
وه‌زاره‌تی ناوخۆ و پێشمه‌رگه له‌سه‌ر پێكهێنانی هێزی هاوبه‌ش بۆ ده‌روازه سنوورییه‌كان گه‌یشتنه رێككه‌وتن
K24- هه‌ولێر:
له راگه‌یه‌ندراوێكدا وه‌زاره‌تی ناوخۆی حكومه‌تی هه‌رێمی كوردستان رایگه‌یاند، هه‌ریه‌ك له وه‌زیری ناوخۆ و وه‌زیری پێشمه‌رگه‌ی حكومه‌تی هه‌رێمی كوردستان له‌باره‌ی پرسی پێكهێنانی هێزێكی هاوبه‌ش بۆ ده‌روازه سنوورییه‌كان كۆبوونه‌وه، له‌سه‌ر میكانیزمی دابه‌شكردنی ئه‌ركه‌كان رێككه‌وتن و بڕیاره به‌م نزیكانه هه‌نگاوه كردارییه‌كان له‌وباره‌یه‌وه بنرێن.
ده‌قی راگه‌یه‌ندراوه‌كه‌ی وه‌زاره‌تی ناوخۆی حكومه‌تی هه‌رێمی كوردستان:
ئەمڕۆ دووشەممە 11/1/2021، هه‌ریه‌ك له وەزیری پێشمەرگە و وەزیری ناوخۆ، لە شاری هەولێر کۆبوونەوەیەکیان ئەنجامدا بۆ گفتوگۆکردن دەربارەی چۆنیەتی جێبەجێکردنی بڕیاری ئەنجومەنی وەزیرانی حکومەتی هەرێمی کوردستان، سەبارەت بە پێکهێنانی هێزێکی تایبەت بە نەهێشتنی دیاردەی قاچاخچێتی لە خاڵە سنووریەکانی هەرێمی کوردستان.
لە کۆبوونەوەکەدا ھەردوولا لە سەر میکانیزمی پێکهێنانی ئەو هێزە و دابەشکردنی ئەرکەکانی رێککەتن و بڕیارە بەم نزیکانە هەنگاوەکانی دروستکردنی ئەو هێزە دەست پێ بکات.
وەزارەتی ناوخۆی
حکومەتی هەرێمی کوردستان
هەولێر
11/1/2021
H.B
