تەسنیم: کەشتییەک لە گەرووی هورمز ئاگری گرت
ئاژانسی هەواڵی تەسنیمی ئێرانی لە زاری سەرچاوەیەکەوە رایگەیاند، ئاگر لە ناو کەشتییەک لە نزیک دەروازەی گەرووی هورمز کەوتووەتەوە.
ئاژانسەکە ئاماژەی بەوەش کردووە، تاوەکو ئێستا هیچ وردەکارییەکی دیکە سەبارەت بە هۆکاری ئاگرکەوتنەوەکە، ناسنامەی کەشتییەکە و قەبارەی زیانەکان لەبەردەستدا نییە.
گرژییەکانی نێوان واشنتن و تاران رووی لە هەڵکشان کردووە. ویلایەتە یەکگرتووەکانی ئەمریکا لە 14ـی تەممووزی رابردووەوە بڕیاری دووبارە سەپاندنەوەی گەمارۆی بەسەر بەندەرەکانی ئێراندا دا، ئەوەش دوای هەرەسھێنانی ئەو رێککەوتنەی لە مانگی حوزەیرانی رابردوودا بۆ کۆتاییهێنان بە جەنگی نێوان هەردوو وڵات پێی گەیشتبوون.