عەممار حەکیم و عامری: پشتگیریی هەوڵەکانی حکوومەت لە دژی گەندەڵی دەکەین
سەرۆکی رەوتی حیکمەی نیشتمانی و ئەمینداری گشتیی رێکخراوی بەدر، پشتیوانیی خۆیان بۆ حکوومەتەکەی زەیدی لە بەدیهێنانی چاکسازی و دژایەتیکردنی گەندەڵیدا دووپات کردەوە.
شەممە، 15ـی ئابی 2026، عەممار حەکیم، سەرۆکی رەوتی حیکمەی نیشتمانی و هادی عامری، و ئەمینداری گشتیی رێکخراوی بەدر کۆبوونەوە.
نووسینگەی عەممار حەکیم لە راگەیەنراوێکدا رایگەیاند: لە کۆبوونەوەکەدا هەردوولا جەختیان لەسەر پێویستیی تەواوکردنی کابینەی حکوومەت و، پشتیوانیکردنی حکوومەتەکەی عەلی زەیدی لە ئەرکە خزمەتگوزاری و چاکسازی و دژە گەندەڵییەکانیدا کردەوە.
هەروەها هەردوولا جەختیان لە گرنگی پاراستنی یەکڕیزیی چوارچێوەی هەماهەنگی کردەوە.