ناتۆ هۆشداری دەداتە رووسیا: بەرگری لە تەواوی ئۆپراسیۆن و وڵاتانی ئەندام دەکەین
مارک رووتە، ئەمیندارى گشتیى (ناتۆ) رایگەیاند، هاوپەیمانییەکە بەرگریی لە تەواوی وڵاتانی ئەندامی دەکات بەرامبەر "هەر هەڕەشەیەک"، ئەمەش دوای ئاشکراکردنی هێرشێکی هێبرید (تێکەڵاو) کە بەرپرسانی ئەڵمانیا رووسیایان بە ئەنجامدانی تۆمەتبار کردووە لە فڕۆکەخانەی لایپزیگ.
مارک رووتە لە هەژماری تایبەتی خۆی لە تۆڕی کۆمەڵایەتیی "ئێکس" بڵاوی کردەوە، دوای ئازادکردنی پەیوەندییەکی تەلەفۆنی لەگەڵ فریدریش مێرتس، راوێژکاری ئەڵمانیا "ناتۆ بە یەکدەنگی لەگەڵ ئەڵمانیا رادەوەستێت دوای هەوڵی هێرشە هێبرشبەرییەکەی رووسیا کە لە چواری ئابی رابردوو لە فڕۆکەخانەی لایپزیگ روویدا." جەختیشی کردەوە کە ناتۆ پارێزگاری لە ئەندامانی دەکات لە هەر هەڕەشەیەک، بە کردەوە تێکدەرانەکانی هاوشێوەی ئۆپراسیۆنەکەی لایپزیگ و شوێنەکانی دیکەش.
لە چواری ئابی رابردوودا، دەسەڵاتدارانی ئەڵمانیا فڕۆکەیەکی بێفڕۆکەوانیان (دڕۆن) باری تەقەمەنی بەستراو لە نزیک فڕۆکەیەکی بارهەڵگری ئۆکرانی لە فڕۆکەخانەی لایپزیگ دۆزییەوە، دوای داخرانی رێڕەوی فڕۆکەخانەکە تەقەمەنییەکە بێکاریگەر کرا.
لای خۆشییەوە، ئەلێکساندەر دۆبریندت، وەزیری ناوخۆی ئەڵمانیا رایگەیاند، حکوومەتی بەرلین گەیشتووەتە ئەو دەرئەنجامەی کە رووسیا راستەوخۆ بەرپرسە لەو هێرشە هێبریدییەی لایپزیگ. هاوكات هۆشداریی دا کە ئەگەری هەیە ئەڵمانیا ڕووبەڕووی هێرشی زیاتری هێبریدیی لە لایەن رووسیاوە ببێتەوە.