فڕۆکە جەنگییەکانی سعوودیە وێستگەیەکی نەوتیان لە حودەیدە بۆردومان کرد
ئاژانسی هەواڵی سەبا لە سەنعاوە بڵاویکردەوە، وێستگەیەکی کۆمپانیای نەوتی یەمەن لە حودەیدە، کە دەکەوێتە رۆژئاوای یەمەن، کراوەتە ئامانجی هێرشێکی ئاسمانیی سعوودیە. هاوکات پەلامارێکی دیکەی ئاسمانی ناوچەکانی پارێزگای حەجە لە باکووری رۆژئاوای وڵاتەکەی گرتووەتەوە.
ئەمڕۆ شەممە، 10ـی تسرینی یەکەمی 2026، ئاژانسەکە لە زاری سەرچاوەکانی خۆیەوە رایگەیاند، فڕۆکە جەنگییەکانی سعوودیە شەش هێرشی ئاسمانییان کردووەتە سەر شارۆچکەی عەبس لە پارێزگای حەجە. پەلامارێکی دیکەش وێستگەیەکی کۆمپانیای نەوتی یەمەنی لە شارۆچکەی باجیل لە حودەیدە کردووەتە ئامانج کە دەکەوێتە سەر دەریای سوور.
سەرچاوەکان روونیکردەوە، هێرشەکان برینداربوونی سێ هاووڵاتییان لێکەوتووەتەوە. سەرچاوەکان هیچ وردەکارییەکی دیکەیان لەبارەی جۆری برینەکانیان یان قەبارەی زیانە ماددییەکانی بەر شوێنە ئامانجکراوەکان کەوتووە، نەخستووەتەڕوو.