دانا تەقیەدین: هەر 25 سزادراوەکەی لالەزار گواسترانەوە بۆ چاکسازیی گەوران
ئەندامێکی دەستەی پارێزەرانی دۆسیەی گیراوانی لالەزار رایگەیاند: هەر 25 سزادراوەکەی لالەزار بە ماددەی 406 راگیراون و گواستراونەتەوە بۆ چاکسازیی گەوران.
یەکشەممە، 18ـی تشرینی یەکەمی 2026، دانا تەقیەدین، ئەندامی دەستەی پارێزەرانی دۆسیەی گیراوانی لالەزار، تایبەت بە کوردستان24ـی گوت: ئەمڕۆ 25 کەس لە گیراوانی لالەزار رەوانەی چاکسازی گەوران کراون، لەو ژمارەیە سێ کەسیان بە پێی ماددەی 56 حوکمدراون، 22 کەسی دیکەیان بە پێی ماددەی 406 راگیراون.
هاوکات ئاماژەی بەوە کرد، کەسوکاری لاهوری شێخ جەنگی لەکاتی سەردانی بەندیخانە بە بڕیارەکەی دادگایان زانیوە.