په‌رله‌مانى كوردستان ده‌ست به‌ دانيشتنه‌كانى ده‌كاته‌وه‌

K24 – ھەولێر

دواى دوو مانگ پشوو، ئه‌مڕۆ وه‌زرى دووه‌مى دانيشتنه‌كانى په‌رله‌مانى هه‌رێمى كوردستان ده‌ستى پێ كرده‌وه‌ و بڕياره‌ سبه‌ش يه‌كه‌م دانيشتن به‌ڕێوه‌بچێت.

ئه‌مڕۆ سێشه‌ممه‌ (1.9.2015) بێستون فايه‌ق، ئه‌ندامى په‌رله‌مانى كوردستان، له‌ فراكسيۆنى گۆڕان به‌ (K24) گوت: "دواى كۆتايى هاتنى دوو مانگ له‌ پشووى په‌رله‌مانى هه‌رێمى كوردستان، ئه‌مڕۆ وه‌رزى دووه‌مى دانيشتنه‌كانى په‌رله‌مان ده‌ستى پێ كرده‌وه"‌.

روونيشى كرده‌وه‌: "له‌ دانيشتنه‌كاندا ته‌نيا باس له‌ پرسى سه‌رۆكايه‌تى ناكرێ به‌ڵكو باس له‌ مووچه‌ و كێشه‌كانى هه‌ردوو وه‌زيرى دارايى و سامانه‌ سروشتييه‌كان ده‌كرێت".

هه‌ر سەبارەت بە پەیوەندی نێوان فراكسیۆنەكان، ئه‌و په‌رله‌مانتاره‌ ئاماژه‌ى به‌وه‌شدا: "لەسەر ئەو پرسانەی كە پەیوەندیان بەژیانی خەلكەوە ھەیە ھەموومان كۆكين لەسەری تەنیا پرسێكی گرنگی وەك سەرۆكایەتی ھەرێم نەبێت كە جیاوازی ھەیە لەسەری و ساردیەكانی زەقى پێوه‌ دياره"‌.

   گوتيشى: "سبەی یەكەم كۆبونەوەی ئاسایی وەرزی نوێ دەست پێ دەكات و تەنیا كۆبوونەوەی دەسپێكيیە و ھیچ بڕگە و ماددەیەك لە بەرنامەی كاری سبەیدا نييه".