رووسيا: چه‌كه‌كانى ئێمه‌ ناكه‌ونه‌ ده‌ست تيرۆريستان

رووسيا: چه‌كه‌كانى ئێمه‌ ناكه‌ونه‌ ده‌ست تيرۆريستان
رووسيا: چه‌كه‌كانى ئێمه‌ ناكه‌ونه‌ ده‌ست تيرۆريستان

K24 - هه‌ولێر

كۆمپانياى "رۆسۆبۆرۆن ئێكسپۆرت"ى حكومه‌تى رووسيا  كه‌ تايبه‌ته‌ به ‌هه‌نارده‌كردنى چه‌ك رايگه‌ياند، ئه‌و چه‌كانه‌ى مۆسكۆ بۆ عێراق و سووريا ره‌وانييان ده‌كات، ناكه‌ونه‌ ده‌ست تيرۆريستان.

"ئاناتۆلى ئيسايكين"   به‌ڕێوه‌به‌رى گشتى كۆمپانياكه‌، له‌ كۆنگره‌يه‌كى رۆژنامه‌وانيدا له‌ مۆسكۆ گوتى: "ئێمه‌ له‌ عێراق ته‌نها چه‌ك بۆ حكومه‌تى ناوه‌ندى هه‌نارده‌ ده‌كه‌ين، به‌ گوێره‌ى گرێبه‌ستى فڕۆشتنى چه‌كه‌كانمان به‌ عێراق، ئه‌و چه‌كانه‌ى ئێمه‌ هه‌نارده‌يان ده‌كه‌ن، نابێت بكه‌ونه‌ ده‌ست هيچ لايه‌نێكى ديكه‌".

ئيسايكين گوتيشى: "ئێمه‌ دڵنياين كه‌ حكومه‌ته‌كانى عێراق و سووريا پابه‌ندى گرێبه‌سته‌كان ده‌بن".