کوردستان24 دیجیتاڵ میدیا
هەواڵساز
دەنگی فڕۆكە كاریگەری خراپ لەسەر تەندروستی دروست دهكا
لێكۆڵینەوهیهكی پزیشكی دهریدهخات، دهركهوتووه كه دەنگی فڕۆكە كاریگەری خراپی لەسەر تەندروستی مرۆڤ ھەیە
K24- ژووری ههواڵ
لێكۆڵینەوهیهكی پزیشكی دهریدهخات، دهركهوتووه كه دەنگی فڕۆكە كاریگەری خراپی لەسەر تەندروستی مرۆڤ ھەیە و دەبێتە ئەگەری نەخۆشی.
لەنوێترین لێكۆڵینەوەی زانكۆی "ئیمبڕیال"ی بەریتانی دەریخستووە، دەنگی بڵندی فڕۆكە، كارتێكردنی خراپی دەبێت لەسەر تەندروستی مرۆڤ و دەبێتە ئەگەری نەخۆشیی دڵ و ڕاوەستانی مێشك.
ھەروەھا لێكۆڵەران ئاماژەیان بەوە كردووە، ئەو جێگەیەی دەنگی فڕۆكەی تێدایە بە ڕێژەیەكی زۆر ئەگەری پەیدابوونی نەخۆشی دڵ و ڕاوەستانی مێشك بەڕێژەی 24% زیاترە بە بەراورد بە كەسانی دیكه.
ئانا ھاتل، توێژهر و بەرپرسی ئەم لێكۆڵینەوەیە، ئاماژەی بەوە داوە كە دەبێت چارەسەرێكی خێرا بۆئەو كێشەیە دابنرێت،چونكە ڕێژەی 24% ڕێژەیەكی بەرزە.
لێكۆڵەرانی ئەم لێكۆڵینەوەییە ئامۆژگاریمان دەكەن كە خۆمان بپارێزین لە دەنگی فڕۆكە بە تایبەت ئەو كاتانەی گەشت دەكەین .
ھەروەھا ئامۆژگاری ئەو كەسانەش دەكەن كەوا لە فڕۆكەخانەكانان كاردەكەن، ئاگاداری تەندروستیان بن.
لە ئێستهدا بەھۆی بەروە پێشچوون و پێشكەوتن تەكنەلۆژیاو ئامرازەكانی ھاتووچوۆ كردن ،فڕۆكە وەك ئامرازێكی خێرای ھاتووچۆكردن زۆر بەكار دەھێنرێت .بەتایبەت لە وڵاتە پێشكەوتووەكان.
بەپێی ئامۆژگاری لێكۆڵەران دەبێت خۆمان بپارێزین لە دەنگی بڵندی فڕۆكە.