شەربەتی چەوەندەر ددان دەپارێزێت

K24

بەپێی لێكۆڵینەوەیەكی زانكۆی زانستی پراكتیكیی نەمسا شەربەتی چەوەندەر ددانی مرۆڤ دەپارێزێت.

بەپێی لێكۆڵینەوەکەی زانکۆ نەمساییەکە شەربەتی چەوەندەر رێژەیەكی ھەرە بڵندی ماددەی نیتەراتی تێدایە كە رێگریی لە رزینی ددان دەگرێت.

بەپێی لێكۆڵینەوەکە 95% دانیشتوانی وڵاتانی پێشكەوتوو بە هۆی ئەوەی خواردنیان رێژەیەکی زۆر لە شەکر لەخۆدەگرێت ددانەكانیان زوو خراپ دەبن.

لێكۆڵینەوە زانستییەکە ئاشکراشی دەکات کە: خواردنەوەی شەربەتی چەوەندەر رۆژانە دەبێتە ھۆی دابەزینی فشاری خوێن بۆ ماوەیەک.