چۆنيه‌تى دروستكردنى لوقمه‌ قازى

K24 – ھەولێر                                                            

لوقمه‌ قازى، جۆره‌ شيرنه‌مه‌نييه‌كى سووكه‌، زياتر خه‌ڵكى رۆژهه‌ڵاتى ناوه‌ڕاست ئه‌و جۆره‌ شيرنييه‌ دروست ده‌كه‌ن و ده‌يخۆن، به‌تايبه‌تى له‌ مانگى ره‌مه‌زاناندا.

كه‌رسته‌كان

*دوو كوپ ئارد

*كوپێك نيشاسته‌

*كه‌وچكێك خومره‌

*خوێ(كه‌وچكێكى بچووك)

*كوپێك شيرى گيراوه‌

دروستكردنى

1-ئاردو نيشاسته‌ و خومره‌و خوێه‌كه‌، هه‌موويان جوان تێكه‌ڵ بكه‌ به‌پێى پێوست شيره‌كه‌ تێبكه‌و تاوه‌كوو هه‌ويرێكى نه ‌خه‌ست و نه‌شل ده‌ربچێت، دواتر بۆ ماوه‌ى يه‌ك كاتژمێر هه‌ويره‌كه‌ به‌جێ بهێڵه‌ بۆ ئه‌وه‌ى هه‌ڵبێت.

2-دواى ئه‌وه‌ى هه‌ويره‌كه‌ هه‌ڵات، روونى زه‌يت له‌سه‌ر ئاگرێكى مامناوه‌ند گه‌رم بكه‌ و پاشان به‌ كه‌وچكێك پارچه‌ پارچه‌ هه‌ويره‌كه‌ بهێنه‌ و بيكه‌ به‌ تۆپه‌ڵه‌ى بچووك بچووك بيخره‌ ناو زه‌يته‌كه‌ تاوه‌كوو سوور ده‌بێته‌وه‌.

3- دواى سووربوونه‌وه‌ى بيهێنه‌ ده‌ره‌وه‌و بيخه‌ره‌ ناو مه‌نجه‌ڵى شيله‌كه‌.

دروستكردنى شيله‌

دوو كوپ شه‌كر بهێنه‌ له‌گه‌ڵ كوپێك ئاو و ڤانێله‌ و ئاوى ليمۆ، دواتر له‌ناو مه‌نجه‌ڵێك تێكه‌ڵيان بكه‌ و بيخه‌ره‌ سه‌ر ئاگرێك، تاوه‌كوو ده‌كوڵێت.