خالد ئەحمەد
نووسەر
هەلبژارتێن پەرلەمانێ کوردستانێ دناڤ بەرا ئاستەنگێن سیاسی و تەکنیکی دا
بوو خەلکێ کوردستانێ ئاشکەرایە، نە رێکەفتنا لایەنێن سیاسی سەرەرای کومبونێن بیزەنطی ل سەر دەرخستنا یاسا یەکا نوی بوو هەلبژارتنا و نویژەنکرنا کومسیونێ، ئەگەر بون پەرلەمان نە کومبو و سەروکا پەرلەمانی هات (قولبەستکرن)؟! هەتا ب نەچاری پەرلەمانی ژیێ خوە بوو سالەکێ درێژ کر و ئەنجام دا بریارا دادگەها فیدرالی هات ب نە یاساییا ڤێ بریاری.
پسیارا سەرکی ئەوە چ ئەگەر بون لایەن نە گەهشتن رێکەفتنێ ؟ ئەگەرێن سیاسی بون یان تەکنیکی د رێکا نە ئەنجام دانا هەلبژارتنا؟دشیان دایە ئەف سالە هەلبژارتن بهێن ئەنجام دان؟
ب دیتنا هەمی چاڤدێرێن سیاسی، ئەگەرێ سەرەکێ نەئەنجام داناهەلبژارتنا ل ژڤانێ خوە و ل داهاتەکێ نێزیک نە بونا ئیرادێ بوو؟! هندەک لایەنان نە دڤیا هەلبژارتن بهێن ئەنجام دان ب هەر رێکەکا هەبیت!. یاسا نوی و کومسیون هێجەت بون کو هەلبژارتن نەهێت کرن، ئێکەتیا نیشتمانی یا کوردستانێ سەرکێشیا ڤێ بەرەی دکر ژ بەر کومەکا ئەگەران ژ وان:ـ
ـ کیر بونا کێشێن ناڤخوە یێن ئێکەتیێ، ب رێژەکێ کوو ئەڤرو پتر ژ دوو لیستان دێ ب ناڤێ ئێکەتی کەڤنە ململانا ب دەستڤەئینانا دەنگێن جەماوەرێ ئێکەتیێ و شەر دێ ل سەر هندێ بیت شەرعیەتا جەماوەری دێ ل دەف کیش بالی بیتن؟!
ـ ئەگەرێن هەرێمی ژ ئەنجامێ زێدەبونا گڤاشتنێن ئابوری و سیاسی و لەشکەری ل سەر ئیرانێ، مەبەستە هەرێمێ لاواز بکەن ب رێکا لاواز کرنا شەرعیەتا دەزگایێن تەشریعی و میری و دیرکرنا خەلکی ژ حکومەتێ.
ـ رێگرتن ل هەمبەر بەرنامە و هەولێن حکومەتا هەرێما کوردستانێ بوو چاکسازیێ و کێمکرنا بالا دەستیا دەستهەلاتا حیزبی ل سەر یێن یاسای و میری.
نها ژی هەولێن ئێکەتیێ د بەردەوامن بوو رێگرتن ل ئەنجام دانا هەلبژارتنا، ب رێکا پێشکێشکرنا تانەکێ ل دادگەها فیدرال ل سەر کوتا ل یاسا کەڤن یا هەلبژارتنا ل هەرێمی، و ب کارئینانا پێگێ خوە ل ئەنجونێ کومیسیاران ل کومیسیونا بالا سەربەخویا هەلبژارتنا ل عیراقی کو راگەهاندیە کوو نەشێن ژ لایێ هونەری ڤە دوو هەلبژارتێن جودا د ئێک دەم دا بکەن.
ئەگەر فاکتەرێن سیاسی بدەینە لایەکی ژ لایێ هونەری و تەکنیکی ڤە د شیان دایە ب دوو ئەمرازا هەلبژارتن د ئەف سالەدا بهێتە ئەنجام دان:ـ
ـ سەروکێ هەرێمێ مەرسومەکێ هەرێمی دەرکەت و دەستەکەکا دادوەری پێک بینیت و سەرپەرشتیا کومیسیونا بالا سەربەخوە هەلبژارتنا و راپرسیێ ل هەرێمێ بکەن.
ـ یا باشتر ئەوە سەروکێ هەرێمی داخازێ ژ کومیسیونا بالا سەربەخوە یا هەلبژارتنا عیراقێ بکەت ب رێکا دەستەیا هەرێمێ یا کومیسیونێ هەلبژارتنا ئەنجام بدەت، و دشیان دانە ب ڤی ئەرکی رابن ژ بەر چەند ئەگەرەکا.
ـ هەر سێ ئوفیسێن هەرێمێ د بەژدار نینن د هەلبژاردنێن ئەنجومەنێن پارێزگەهان دا یێن عیراقی، و ل هەرێمێ کومیسیونێ دەستەیا هەرێمێ هەیە دشیان دایە بهێتە ئەکتیڤ کرن و سەرپەرشتیا هەلبژارتنا بکەتن.
ـ کومیسیونا عیراقی ل هەلبژارتنێن ئەنجومەنێ نیشتمانێ یێ عیراقێ ل سالا 2021ـێ هەرسێ قوناغێن پشکنین و ڤاڤارتن و هنارتن ب ئەلکترونی کربون و ژ لایێ کومپانیێن جیهانی ڤە هاتبون بەرنامەکرن.
ـ کومیسیون د شیان دایە ل ماوێ ل پێش دا، ل هەرسێ ئوفیسێن هەرێمێ ئامیرێن وان ئابدید بکەت، ل قوناغا پشکنین ( V.V.D) و یێ هژمارتن و ڤاڤارتنێ (Pcos)یێن هەر ویستگەهەکێ، و ئامیرێ هنارتنێ (Vsat)ژ پروسێ کەنسل بکەت و ب دەستی ئەنجام بهێنە کومکرن ل بگەهەکێ ناڤەندی ل هەولێرێ.
چونکە ئاستەنگا تەکنیکی ل پێش کومیسیونێ دێ کومکرنا ئەنجاما بیت ل ئێک ناڤەند یێن دوو هەلژارتنا.