فاتح مەولەویزادە
نووسەر
کارێزمایی مهسرور بارزانی و ئاڵنگارییەکان
لە چوارچێوەی سەرکردایەتی سیاسیدا، زۆرجار کارێزمای حوکمڕانی وەک فاکتەری دیاریکەر سەرهەڵدەدات و ڕێڕەوی نیشتمانی وە پلانە ستراتیتییەکان ئاراستە دەکات. ماوەی سەرۆک وەزیرانی (مەسرور بارزانی) نموونەی هێزی گۆڕانکاری سەرکردایەتی کارێزمایە. ئەم حوکمڕانییە تیشکی خستووەتە سەر بوژاندنەوەی کەرتە سەرەکییەکانی وەک: (کشتوکاڵ، پیشەسازی، بازرگانی، وەبەرهێنان، پەروەردە، و تەندروستی)، بە خۆڕاگری و ئیرادە و پابەندبوونێکی چەسپاو بە پێشکەوتن، سەرەڕای چەندین تەحەددا و فشارە دەرەکی و ناوخۆییەکان، دیار بوو چەندە بە تامەزرۆییەوە هەوڵەکان چڕکراونەتەوە لە پێناو خزمەت گەیاندن.
لە بەرامبەر هەوڵە هاوبەشەکان بۆ گەمارۆدانی حکومەت و لاوازکردنی هەیکەلی هەرێم، کەسایەتی کارێزماتیکی (مەسرور بارزانی) وەک چرایەکی هیوا و هێزێک بۆ جەماوەر و چاندنی هەستی خۆڕاگری و ئیرادەیە. سەرەڕای هەوڵە بەردەوامەکان بۆ چاندنی ناتەبایی و دروستکردنی گێژاوی سیاسی و دارایی لەلایەن حکومەتی عێراقی فیدراڵەوە بە هاوبەشی هەندێک نەیاری دەرەکی وە ناوخۆیی، مەسرور بارزانی بە ڕەوشت و خۆڕاگرییەوە ئەو ئاستەنگانەی بەڕێکردووە و ڕەتیدەکاتەوە ملکەچی فشارە دەرەکییەکان بێت. بێشک ئەم هەوڵانەش بۆ پەکخستن وە دروست بوونی تۆوی ناحەزی بووە لە ناو خەڵک.
لە ڕاستییدا خۆشگوزەرانی گەلی کوردستان، ئەولەویەت دان بە دەستپێشخەرییەکان بە ئامانجی پتەوکردنی کەرتە سەرەکییەکانی ئابووری و باشترکردنی کوالیتی گشتیی ژیان لەهەنگاوە بەردەوامەکان بووە، لە چاکسازیی کشتوکاڵییەوە تا فراوانکردنی پیشەسازی، ئاسانکاری بازرگانی، بەرەوپێشبردنی وەبەرهێنان و پێشکەوتن لە بواری پەروەردە و چاودێری تەندروستیدا، ئیدارەکەی ڕێبازێکی گشتگیری گرتۆتەبەر بۆ چارەسەرکردنی پێداویستییە فرەلایەنەکانی دانیشتووان.
کارکردن لەسەر ئەم کەرتانە نیشاندەری ئەوەن پێویستە زیاتر خۆمان بەرەوپێشەوە ببەین، کەموکوڕی هەن بەڵام ئەوەی گرنگە شان بدرێتە بەر کەموکوڕییەکان وە هەوڵ بدرێت نەمێنن یان کەم بکرێنەوە بە قۆناغی جیاواز. رەنگە بەشێک هەبن، چونکە چاویان بە گۆڕانکاری وە پیشکەوتنەکان هەڵنایەت هەموو دەم نەیارانە بدوێن، چونکە بڕیاریان داوە چاویان پێشکەوتنەکان نەبینێت.
بەڵام بیرمان نەچێت هەوڵدانەکان بۆ بەرەو پێشکەوتن بێ تەحەددا نەبووە. حکومەتی هەرێم ڕووبەڕووی هەوڵی بەردەوامی دەرەکی بووەتەوە بۆ تێکدانی مومارەسەی دەسەڵاتی خۆی و ناسەقامگیرکردنی ناوچەکە، ئەمەش ناکۆکییە کۆمەڵایەتییە ئابوورییەکانی ئێستای، گەورەتر کردووە و ڕێگری لە هەوڵەکانی گەشەپێدان کردووە. سەرەڕای ئەم ناخۆشییانە، سەرکردایەتی کاریزماتیکی مەسرور بارزانی وەک خاڵی گردبوونەوە بۆ خۆڕاگری و کۆڵنەدان کاری کردووە، ئیلهامبەخش بووە بۆ ڕۆحێکی بەکۆمەڵ لە سەرپێچی و پابەندبوونێکی بێوچان بە بنەماکانی حوکمڕانی و بنیاتنانی نەتەویی و نیشتمانی.
بە تێڕوانین بەرەو ئایندە، ئاسۆی حکومەتی هەرێمی کوردستان بە سەرکردایەتی مەسرور بارزانی بە ئومێدبەخش دەردەکەوێت. کەسایەتی کاریزماتیکی ئەو لەگەڵ ئیتیکێکی کارکردنی بێوچان و دیدێکی ستراتیژی بۆ پێشکەوتن، ئاماژەیەکی باشە بۆ بەردەوامی پێشکەوتن و خۆشگوزەرانی ناوچەکە. حکومەتی هەرێم بە کەڵک وەرگرتن لە خۆڕاگری و ئیرادەی گەلەکەی، دەتوانێت بەسەر تەحەددیاتی دەرەکیدا زاڵ بێت و ڕێڕەوێک بەرەو گەشەپێدانی بەردەوام و گەشەسەندنی گشتگیر و سەقامگیری بەردەوام دابڕێژێت.
هەڵبەتە پیویستە لەسەر ئێمەش وەک تاکی کۆمەڵگە، زیاتر هۆشیارانە وە بەرپرسیارانە مامەڵە لەگەل پرسەکان بکەین، حکومەت وەک چەترێک بۆ ئاسودەیی وە خۆشگوزەرانی لێی بڕواین نەک بەبیری تەسکی حزبی وە چەواشەکارانە پاڵنەر بین بۆ ئەوەی مەرامی نەیاران وا ناحەزان بێتە دی. هەموومان دەزانین خەونی نەیارانیش نەمان وە شکست هێنانی حکومەتی هەرێمە.
لە کۆتاییدا سەرەڕای گوشار و ئاستەنگە دەرەکییەکان، پابەندبوونی بێوچان و خۆڕاگری لە بەرامبەر ناخۆشیەکاندا، لەگەڵ بەردەوامی پەرەسەندنی هەرێم و ڕووبەڕووبوونەوەی ئاستەنگی نوێ، کەسایەتی کاریزماتیکی مەسرور بارزانی وەک ڕووناکییەکی ڕێنوێنیکار کاردەکات، ڕێگاکە بەرەو ئایندەیەکی گەشاوەتر و ئاوەدانتر بۆ هەمووان گەش دەکاتەوە.