ئازادی و رزگاری دهزر و فەلسەفا بارزانیێ نەمر دا

بوونا جەنابێ (بارزانیێ نەمر) و سەرهلدانا باژێرێ دهۆکێ و دەوروبەرا هەڤدەم دوو رۆیدانێن مەزنێن دیرۆکی نە و رۆیدانەک ژوان بەرهەمێ رۆیدانا دی یە، ژدایکبوونا بارزانیێ نەمر ژبنەمالەکا نشتیمانپەروەر و رزگاریخواز و شەهیدپەروەر مزگینیا ئەلندەکا گەشبوو بۆ گەلێ کوردستانێ. بنەمالا شێخێن بارزان ژبلی ئەرکێ خۆ یێ دینی، نشتیمانپەروەری و ئازادی و رزگاریا گەلێ کوردستانێ ب ئەرکێ خۆ زانی و دڤی بیاڤیدا سەرکێشیا کۆمەکا بزاڤ و قۆربانیدانا بێ وێنە کریە. بارزانیێ نەمر وەکو ئێک ژ ئەندامێن ڤێ مالباتا پری سەروەری رۆلەکێ مەزن دبزاڤا رزگاریخوازا گەلێ کوردستانێ دا گێرا و سەرکێشیا مەزنترین شۆرەشا سەد سالا بوری و گرەنتیا بدەستڤەئینانا دەستکەفتێن گەلێ مەکر. 

هەر دژیێ لاوینیا خۆدا بارزانیێ نەمر خەبات بۆ ئازادی و رزگاریا کوردستانێ کریە دەما بۆ هاریکاریا شێخ (مەحمودێ حەفید) 1920”-1922”ێ هەر زوی خەباتا بارزانی بۆ ماف و ئازادییان و رزگاریێ دۆپات دکەت. 

بارزانیێ نەمر  دبێژیتە لاوێن کوردان (ئەی لاوێن کوردان، سۆزێ ددەم دوماهیک دلۆپا خوینا خۆ ژبۆ ئازادیا هەوە پێشکێش بکەت). ژبلی قۆربانیدانا بارزانی دقۆناغا لاوینیێدا، خەباتەکا بەردەوام بۆ پێگەهاندنا تەخا لاوان کریە دەما ئەمرکری ( قۆتابی سەرێ رمێنە دهەمی شۆرەش و راپەریناندا) یان دەمێ ئەمر دکەت: ( لاو شۆیرها پیلاینە بۆ پاراستا کوردستانێ) قۆتابی و لاو وەکو دوو دینەمویێن خەباتا گەلان دهزر و فەلسەفا بارزانی دینەمویێن خەباتا ئازادی و رزگاریخوازیێ بووینە، لەوما ژی بریارا دامەزراندنا هەردوو رێکخراوێن ئێکەتیا قۆتابیێن کوردستانێ و ئێکەتیا لاوێن دیموکراتا کوردستانێ ل سالا 1953ێ دکۆنگرێ سیێ پارتی دیموکراتی کوردستاندا دەرئێخست. 

بارزانی وەکو رێبەرەکێ نەتەوەیی سەلماند، خزمەتکرنا گەلێ کوردستانێ مەزنترین شانازی و دەستکەفتە و وەکو پێشمەرگەیەکێ خاکی و مەیدانی و سادە دەست ژ خەباتێ بەرنەدا لەوما بۆ ئازادیا کوردستانێ دبێژیت ( ئەڤە شەرەفەکا زۆرا مەزنە، وەکو پێشمەرگەیەک دشۆرەشا ئازادیێدا بەژداربم). 

بارزانی خەبات بۆ مرۆڤایەتیێ ئەنجامدا لەوما رزگارکرنا ئێک مرۆڤ بتنێ ژی ب شەرەف دزانی و دگوتنەکا خۆدا دیاردکەت (مەزنترین شەرەفە بو من، ژبرسان دا بمرم بۆ رزگارکرنا هەژارەکێ ژ برساتیێ). 

بارزانی ناسناما مەزنترین نەتەوا بێ دەولەتە، ناڤێ بارزانی و نەتەوا وی هەڤالجێمکن و دۆزا گەلێ کوردستانێ گرێدایی خەباتا بارزانیە هەتا سەردەمێ ئەڤرۆ و دڤی بیاڤیدا جەنابێ وان گوتیە( من بریاردایە هەتا کو کوردستان رزگار نەبیت، تاخم و تڤەنگا من لحێف و دوشەکا من بن).

 ئیرادە و بەردەوامی و پێداگیری دفەلسەفەیا بارزانیدا بۆ ئازادی و رزگاریێ دکریارێن بارزانیدا رەنگڤەدا هێشتا سێ سالیێ دگەل دەیکا خۆ دهێتە زینداکرن و هێشتا لاو دهەوارا بزاڤێن رزگاریخوازیێن کوردستانێ دچیت و ب پراکتیکی ئەو خەبات سەلماند ل کۆمارا مهابادێ ئالایێ کوردستانێ ژپێشەوا قازی وەردگریت و دپارێزیت و دوازدە سالێن پەنابەریێ ژپێخەمەت مافێن نەتەوەکا بێ دەولەت و بەرپاکرنا شۆرەشا مەزنا ئەیلولێ وەکو درێژترین و مەزنترین شۆرەشا سەد سالێن بوری، بدەستڤەئینانا رێکەفتناما یازدەی ئادارێ و بەردەوامیا خەباتێ ل شۆرەشا گۆلانا پێشکەفتنخواز و نشتیمانی هەتا ئەڤرۆ یا هەرێما کوردستانێ بەرهەمێ هزر و فەلسەفا بارزانیێ نەمرە و پتریا سەرکردێن پارتێن دی یێن سیاسی ژی هەر دبن کاریگەریا هزرا بارزانیێ نەمردا دەستدایە خەباتێ. ئەو گوتنا بارزانی وێ ل بیرا مە دئینیت بەرێبنیاتێ ڤێ رێبازێ و دوهی و پاشەرۆژا کوردستانێ  هەر گرێدایی فەلسەفە و هزرا جەنابێ وانە، دەما ئەمرکری ( دڤێت مال و ژیان و عاقل و زانست و هەر چ یا هەی بۆ ڤی مللەتی سەرف بکەین، تا کو ئازادیێ بۆ بدەستڤە بینین، دەستێ دۆژمن و غەدار و زۆرداران ل سەر راکەین). 

هزاران سلاڤ ل رحا بلند فرا بارزانیێ نەمر و تەڤایا شەهیدێن کوردستانێ بن هەتا ئەڤرۆیا مەژی ب رێبەریا جەنابێ سەرۆک بارزانی هەر فەلسەفە و هزر و رێبازا جەنابێ بارزانیێ نەمرە و سەرهلدانا گەلێ کوردستانێ ژی بەرهەمێ ڤێ هزر و فەلسەفەیێ یە. 

تێبینی: دەقێ گوتنێن جەنابێ بارزانیێ نەمر ژ پەرتۆکا نڤیسەرێ هێژا (عەبدولعەزیز محسن بارزانی)، (هزر و فەلسەفا رێبازا بارزانی) دگۆتنێن بارزانیێ نەمر دا هاتینە وەرگرتن.