پێشکەوتنی وەرزشی کوردستان ئایندەیەکی بەھێز بۆ کوردستان زامن دەکات

وەرزش، یەکێکە لە گرینگترین بەشەکانی ژیانی مرۆڤ، نەک تەنھا جەستە بەھێز دەکات، بەڵکو مێشک و دەروون تازەدەکاتەوە، وەرزش لە ژیانی رۆژانە بۆ تەندورستی مرۆڤ گرینگی تایبەتی ھەیە ئەویش بەھۆی پێشکەوتنی تەکنەلۆژیای سەردەم، تاوەكو تەکنەلۆژیا پیش بکەوێت زیاتر گرنگی وەرزش بەدەردەکەوێت و گرینگی زیاتریشی دەبیت .

چۆن دەتوانین وەرزشی کوردستان بەرەوپیش ببین؟ 

پێموایە جەند خاڵێکی جەوھری ھەیە بۆ ئایندەیەکی بەھێزی وەرزشی کوردستان، تاڕادەیەک ھەندێک لە و خاڵانەی  باس لێوەدەکەم لە سەردەمی کابینەی نۆیەمی حکومەتی کوردستان بە سەرۆکایەتی رێزدار( مەسرور بارزانی)  تەواو کراون  و جێبەجێ کراون .

یەکەم: یاسازی و رێکخستنەوەی سیستەمی وەرزشی

 سیستەمی وەرزشی لە ھەر وڵاتێک بە شێوەیەکی گرنگ و یاسایی رێکخراوە بۆ ئەوەی ئەنجامدانی چالاکیە وەرزشییەکان بە شێوەیەکی دامەزراو بێت، یاسایی و پەیوەندیدار بە پەروەردە و تەندروستی، کەلتووری،  ئابووری و کۆمەلایەتی بکرێت، بۆ ئەم مەبەستە یاسا و ریکخستنەوەکانی سیستەمی وەرزشی پێویستە بەروونی دیاری بکرێن و جێبەجێ بکرێت لەلایەن دەزگا وەرزشییەکانی کوردستان.

دووەم: گرنگیدان بە یاریگا و پێگەی وەرزشی کوردستان 

 ئەگەر ئامانجی پێگەیاندنی یاریزانێکی کورد بۆ ئۆلمپیک و یارییە گەورەکان بێت، ئەوا پێویستە کۆمەڵگای وەرزشی و یاریگای گەورە بەپێی ستانداردی نێودەوڵەتی دروست بكرێن ئەگەرچی  ژێرخانی وەرزشی لە سەردەمی کابینەی نۆیەم تاڕادەیەكی زۆرباش گەشایەوە بەتایبەتی درووستکردنی یاریگای گەورە، چونكە یاریگای گەورە سەرچاوەی دروستکردنی یاریزانانە و ھەموو یاریگاکانیش بەپێی ستانداردی نێودەوڵەتی دروست کراون ئەمەش ئەوە دەگەینێت بوارەکە لە بارە بۆ گەیاندنی یاریزانانی کورد بە لوتکە . 

سێیەم: پەروەردەی وەرزشی 

 پێویستە پرۆگرامی وەرزش لە بەرنامەی خوێندنی قوتابخانەکان بکرێتە وانەیەکی گرینگ، راھێنان و پەرەپێدان بە ماموستای وەرزشی بکرێت بۆ پێگەیاندنی وەرزشکاران، دامەزراندنی کۆلیژ و زانکۆی تایبەتی وەرزشی و ئەکادیمیای وەرزشی کە بناغەی پیگەیاندنی وەرزشکارانە ئەمانە ھەموویان دەبنە بەرھەمی ھەمەجۆری چالاکی وەرزشی شارەزا .

چوارەم: وەرزشی کوردستان لە دەرەوەی کوردستان 

کوردستان وەکو ھەرێمێک نیشتمانی بێدەوڵەت، پێویستە بە ھەموو بوارەکاندا خۆی نیشان بدات، بەتایبەتی  لە بواری وەرزشی، وەرزش دەبێتە ئەو دەرگایە کە رێگای بە گەیاندنی ئاواز و ناساندنی نیشتمان دەدات بە جیھانەوە، ھەروەھا کوردستان بێبەش نەبووە لە بەشداریکردنی یارییە (نێوەدەوڵەتییەکان وەکو پاڵەوانیەتی کۆنیفا (

یاریزانانی کورد بەشداریی چەندین یارییە نێودەوڵەتییەکانی کردووە و توانیویانە ئەنجامی باش بەدەست بھێنن، زۆربەیان توانیوانە میدالیا بەدەست بھێنن بۆ نموونە ئەوەی (دھۆک) کردی لە پاڵەوانیەتی یانەکانی کەنداو، هەروەها خانمە وەرزشوانەكانیشمان لە پاڵەوانیەتی رۆژئاوای عەرەبی و زۆر وەرزشکاری دیكەی کوردیش بەناوی عێراق و ئێران و تورکیا یان سوریا لە یارییە نێودەوڵەتییەکان بەشدارن، بەڵام لە راستیدا ئەوان لە نەتەوەی گەلی کوردن .

پێنچەم: گرنگی بەشداری ئافرەتان لە وەرزش 

 وەرزش بەشێوەیکی تایبەتی دەبێتە بەرگریەکی  گرنگ بۆ دەستپێکی ھاوەشێوەی ژن و پیاو و دەرخستنی تواناکانی ئافرەتان لە کۆمەڵگادا، پێموایە بۆ وەرزشی ئافرەتان دەبێت یاسایەکی تایبەتی ھەبێت بۆ پشتگیری وەرزشی ئافرەتان و دامەزاندنی یاریگای تایبەت و راھێنانی ھونەری بۆیان، ھەروەھا کردنەوەی بەشێکی تایبەتی لە فیدراسیونەکان بۆ ئافرەتان و خستنە نێو بەرنامەی  قوتابخانەکان بۆ راگەیاندنی وەرزشی ئافرەتان. 

شەشەم: رۆلی میدیا کوردی 

میدیا بەشێویەکی گشتی یەکێکە لە بەھێزترین ئامرازە کۆمەڵایتەکان بۆ گەیاندن و گۆرینی نەتەوە و کۆمەڵگا لە بواری وەرزشیدا، میدیا دەبێتە پلەیەکی بنەڕەتی بۆ پەرەسەندن و گەشەپێدان و بەرزکردنەوەی یاری و وەرزشکار، درووستکردنی کەناڵی تایبەتی وەرزشی و راھێنان  بە راگەیاندکارانی وەرزشی  بکرێت بە شێوەیەکی پرۆفیشناڵانە، ھاوبەشبوون لەگەڵ میدیاکانی نێودەوڵەتی بۆ بەرزکردنەوەی ناوی وەرزش و وەرزشکارانی کوردستان، پشتیوانی حکومەت لە بەرنامە و پرۆژەی میدیایی وەرزشی.