"جاران دگۆت سبە دایێ منو خلفا سێدارێ ژڤانە و دنوکە دبێژن سوبە مە و پرۆژان ژڤانە"

دیرۆکا گەلێ کوردستانێ، دیرۆکەکا پڕە ژ خەم و کول و بەرخودانێ. ل سالا 1946ـێدا، "مەلا مستەفایێ بارزانی”، ئەو رابەرێ مێژوویی، پارتا دیموکراتا کوردستانێ دامەزراند و رێکا بەرخودانا نەتەوەیی بۆ گەلێ کورد و پێکهاتێن رەسەنێن کوردستانێ ڤەکر. ئەڤ پارتە ژ ئەوێ  رۆژی هەتا ئەڤرۆ بوویە هێمایەکێ بەرخودان و پاراستنا مافان و کەرامەتا کوردستانییان.

دنۆکەدا، سەرۆک بارزانی، سەرۆک و رابەرێ ئەڤێ پارتێ و هەرێما کوردستانێ، بەردەوامە ل سەر رێیا خۆ، دامەزرێنەرێ ڤێ حەرەکەتا نەتەوەیی، ب رحەکا پێشمەرگەیی و خەباتەکا بێ راوستیان خۆ سەرکێشیا ڤی کاروانێ ئارامی و ئاڤەدانیێ دکەت.

- دلۆپەک ژ دەریایەکی:

دیرۆکا گەلێ کوردستانێ پڕە ژ ژان و ئازاران. گەلێ کوردستان سەختیێن گران دیتنە هەردەم پێدڤیە بۆ هەر تاکەکێ کوردستانێ ئەو دزیندی بن ژ: “جینۆساید و کۆمەڵکوژی، ئەنفالکرن، کیمیاباران، تەعریبکرن و قرکرنا گوندان”. سەدان گەنجێن مە خلفا سێدارێ  ماچکرن، مالێن وان  هاتنە سووتن، گوندێن وان هاتنە وێرانکرن، و خێزان دهاتنە پارچەکرن. ئەڤ رەوشە دیرۆکا برینەکا کوویر ل دڵێ هەر کوردستانیەکێدا ب جهێلایە. 

سبە دایێ منو خلفا سێدارێ ژڤانە.. پارچەکە ژهۆزانەکا، هۆزانڤانێ مەزن”موئەیەد تەیب”، کو ل سەر دیوارەکێ کەلا نزارکێ ب خیچکان دهەوا ئەنفالێن رەشدا هاتیە نڤیسین و دوماهی سەرەدانا جەنابێ سەرۆک بارزانی بۆ دهۆکێ ل کەلا نزارکێ کو نوکە دبیتە موزەخانە و مونیومێنتەکا نشتیمانی دووبارە ئەڤ چیرۆکە ل بیرا مە ئینا ژلایێ گەنجەکێ کورد بناڤێ “ئەرجان ماری” کورێ باژێرێ شێخان و خەلکێ ناحیا باعەدرێ یە ئەو برایێ خۆ”فەرید ماری” و کۆمەکا هەڤالێن وان ژبەری بهێنە سێدارەدان و بگەهنە کاروانێ نەمران، ئەرجانێ جوانەمەرگ شاعر و ئەدەب دوستبوو، دوو رستەیاندا  دنڤیسیت:”ئەز دێ مرم کوردستان نامریت” و “سبە دایێ منو و سێدارێ ژڤانە”، ئەرجانی و هەڤالێن خۆ زۆر راست گوت ئەڤ مللەتە ب مرنێ نامریت. 

ب خۆینا شەهیدان کوردستانا ئاڤەدان دبیت

بەلێ ئەڤرۆ ، پشتی چەندین سالان ژ خەباتێ و بەرخودانێ، گەلێ کوردستان ل بن سێبەرا حکومەتا هەرێما کوردستانێ دژیت ل  ئارامی و ئاسایشێدا. ب حکمرانیا پارتی دیموکراتی کوردستان، حکومەتا هەرێما کوردستانێ بێ راوستیان و ب سەروکاتیا جەنابێ”مەسرور بارزانی” سەرۆکێ حکومەتا هەرێما کوردستانێ ژێرخانەکا بهێزتر و خزمەتەکا مەزنتر بۆ ئاڤەدانیا کوردستانێ دکەت و ژمارەیێن راستگۆیانە دسەلمێنن کو کار و ئاڤەدانی بەردەوامە دهەمی بیاڤەکیدا:

ئێک: دبیاڤێ پێشکەفتنا ئابووری و دامەزراندنا کارگەهاندا چ کریە؟

دسەردەمەکیدا ئابووری بوویە بنەمایێ  سەرەکی بۆ گەشەکرنا هەر جڤاکەکی، پێدڤیە ل هەرێمی کوردستاندا و ب  تایبەتی روناهیێ بێخینە سەر پێشکەفتنا ئابووری و دامەزراندنی 596 پرۆژێن وەبەرهێنانێ ب سەرمایەیا 24.6 ملیار دۆلاران دێ ببنە ئەگەرەکێ گرنگ بۆ گەشەکرن و ئاڤەدانیا هەرێما کوردستانێ.

دڤان ساڵێن دوماهیێدا، حکوومەتا هەرێما کوردستانێ هەوڵێن مەزن داینە بۆ باشترکرنا  رەوشا ئابووری و دروستکرنا  فرسەتێن کارێ نوی. ئێک ژ گرنگترین پێنگاڤان، ئەو بوو کو کارەبایا  24 دەمژمێری پرۆژەیێ رۆناکی دامەزراندیی، کارەبا 24 دەمژمێری دا 4 ملیۆن هاوولاتیان + 3222 مۆڵیدە هاتنە ڤەمڕاندن. 

ڤی پرۆژەی نەبتنێ  وزەیا بەردەوام دابین کر، بەڵکو 61 پرۆژەیێن ڤەگۆهاستنا کارەبێ - 6وێستگەهێن بەرهەمهێنانیا کارەبێ  - 3,503 پرۆژەیێن دابەشکرنا کارەبێ  - 1,840 مێگاواتێن کارەبێ زێدەکر، ئەڤە  ئانکو 83% کارەبا ب هێزا پاقژ بەرهەمدئینیت. ئاماژەیە بۆ پابەندبوونا هەرێما کوردستانێ ب پاراستنا ژینگەهێ.

دوو: دبیاڤێ” ئاسایشا ئاڤێدا”، دەستکەفتێن مەزن هەبووینە. حکومەتا هەرێما کوردستانێ شیایە  9 بەنداڤێن مەزن ب کۆژمێ - 265.7 ملیار دیناران کو شیانێن کوگەهکرنا - 252.8 ملیۆن مەترێن ئاڤێ سێجا هەنە و 10 پرۆژەیێن ئاڤا ڤەخوارنێ - ڕۆژانە شیانێن دابینکرنا 852 هەزار مەتر ئاڤاسێجا دابین بکەت. ئەڤە ئانکو حکومەتا هەرێمێ  شیانێن بلندتر و بهێزتر هەنە بۆ سەرەدەریکرن دگەل قەیرانێن ئاڤێدا.

سێ: هەردیسان دبیاڤێ ئاسایشا خوارنێدا ساڵان  دڤان چار سالێن بوریدا ب کۆژمێ 84 ملیار دیناران  د 4 سایلۆیێن مەزندا شیانێن عومبارکرنا 160 هزار تەنێن گەنمی هەنە و دیسان 319 کۆگەهێن سارکرنێ - 30 هەزار خانیێن پلاستیکی - 1,275 کارگەهـ - 11,105 کۆمپانییێن نوی هاتینەدامەزراندن، ئەڤان کاران رێژەیا وەبەرهێنانا چاندنێ ب رێژا 1.8% بۆ 10% زێدەکریە. 

چار: رێکوپران و ئاڤەدانی، ناهێتە ئینکارکرن حکومەتا هەرێما کوردستانێ دهەمی بیاڤاندا خزمەتێن بێ وێنە ب حکمرانیا پارتی دیموکراتی کوردستان ئەنجامداینە و ژوان زێدەکرنا رێکوپرا و ئاڤەدانیێ ئەڤە نموونەیەکا کێم وێنە کو 5,119 پرۆژێن رێکوپرا  کو دبنە 5,126 کیلۆمەتر  ب کۆژمێ 4.3 تریلیۆن دیناران هاتینە قێرکرن. و 2,168 پرۆژەیێن جادە و پرێن ناڤ باژێری ب کۆژمێ 2 تریلیۆن دیناران تمامکرینە و دقۆناغێن بجهئینانێدانە ڕێکێن  ب سەناهیتر و خۆشتر بۆ هاوڵاتیان دروستکرن.

پێنچ: پەروەردە و خواندنا بلند؛ پشکەکا گرنگە دهەر ئابوورییەکێدا. حکومەتا هەرێمێ 226 قوتابخانێن نوی دروستکرینە و 29 قوتابخانێن دی دبجهئینانێدانە دگەل - 2114 قوتابخانە هاتینە نویژەنکرن - 629 پۆلێن نوی یێن خواندنێ  و یا دەستکەفتەکا گرنگ بیت 33 هزار زارۆکێن سەر  جادەیان ڤەگەراندینە خواندنێ و 2 زانکۆیێن نوی هاتینە دروستکرن  و دەهان بەشێن نوی یێن زاستی هاتینە ڤەکرن. 

شەش: دبیاڤێ ساخلەمیێدا 67 نەخۆشخانە و 31 سەنتەرێن بسپۆریێ و رێژا ٧٠% بیمەیا تەندروستیا پێشمەرگەئ و رێژا 100% خزمەتگۆزاریێن تەندروستی بۆ نەخوشێن تالاسیمیایێ دابینکرینە.

ل دوماهیێدا، ئابووریا بهێز بنەمایێ هەر جڤاکەکێ سەقامگیرە و بنگەهێ ئێکێ یێ دامەزراندنا جڤاکەکێ جێگیرێ دیموکراسیێ یە. دوەختەکیدا کو 11.4 ملیۆن مەترێن دووجا ئاخا  کوردستانێ ژمین و تەقەمەنیان هاتیە پاقژکرن - 34 ملیۆن ئاگربر بۆ پاراستیا دارستانان داناینە - 7 ملیۆن شتلان ل پرۆژەیێ ژینگەها دەوروبەرێن هەولێرێ دێ چینیت و رێژا کەسکاتیێ ل هەرێما کوردستانێ ک5% بۆ  %8 هاتیە بلندکرن و ئەمە واتە هەرێما لە ڕێگا دروستدایە.

- دەرفەتێن کاری:

دەستکەفت، 158 هەزار دەرفەتێن کاری - 500 فەرمانبەرێن گرێبەست بۆ پارێزگەها  هەلەبجە - 41,800 مامۆستایێن وانەبێژێن پەروەردێ و خاندنا بلند کرینە گرێبەست.  4,925 دەرچوویێن ئێکێ یێن زانکۆ و پەیمانگەها بریارا دامەزراندنێ بۆ دەرکەفتینە و  779 دەرچوویێن کۆلیژێن پزیشکی هاتینە دامەزراندن. 

لەوما، پێدڤییە حکومەتا هەرێما کوردستانێ ل سەر  گەشەکرنا  ئابووری دبەردەوام بن ژ دامەزراندنا  پرۆژێن نووی و ڤەدیتنا  دەلیڤێن کاری بۆ گەنجان و پشتەڤانیا پرۆژێن بچیک “هەر پرۆژەکێ مەزن ژ پرۆژەکێ بچیک دەستپێکریە” بۆ ئابوورییەکا بهێز ئانکو پاشەرۆژەکا گەشتر  بۆ بەرەباتێن بهێت.

سبە دایێ من خلفا سێدارێ ژڤانە، بەڵێ ئەڤرۆ و سبەهی، ب ڤیانا خودێ، نەبتنێ سوبەهی بەلکی هەمی هەمی سبەهیێن بهێت ب پرۆژان و ئاڤەدانیێ دێ ژڤان بیت، ئەڤە ئومێدا مەیە، ئەڤە خەونا مەیە، و ئەڤە رێیا مە یە کو ب هێڤیەکا بەرز و بیروباوەڕەکا بهێزڤە بۆ دچین و ئەڤە پلان و ستراتیژیەت و بەرنامێ حکومەتا مەیە.