نرخی نەوت بەردەوامە لە بەرزبوون

K24-هەولێر

نرخی بەرمیلێک نەوتی خاو لە جۆری پێوەری برێنت، ئەمڕۆ سێشەممە، گەیشتە 40.27 دۆلاری ئەمریکی، کە ئاستێکی پێوانەییە و بۆ یەکەم جارە نرخی نەوت لە ساڵی 2016 دەگاتە ئەم ئاستە.

نرخی بەرمیلێک نەوتی خاو لە جۆری پێوەری برێنت، کە یەکێکە لە باشترین جۆرەکانی نەوت لە بازاڕەکانی جیهن، ئەمڕۆ، گەیشتە 40.27 دۆلار.

هاوکات نرخی بەرمیلێک نەوتی خاوی تێکساسی ئەمریکا لە گرێبەستە پێشوەختەکان گەیشتە 37.48 دۆلار، لە کاتێکدا پێشتر گەیشتبووە 37.90 دۆلار.

لە رووی خواست لە سەر نەوتیش، ئاستی خواستەکانی چین بۆ نەوتی خاو بەرزبوونەوەی بە خۆیەوە بینیی و گەیشتە 31.80% واتا یەک ملیۆن تۆن نەوت (نزیکەی 8 ملیۆن بەرمیل نەوت لە رۆژێکدا) بە بەراورد لەگەڵ 19.1% لە مانگی یەکی ساڵی 2016.

ئەمە لە کاتێکدایە بە درێژایی دوو ساڵی رابردوو نەوتی خاو لە بازاڕەکانی جیهان نزیکەی سێیەکی بەهای خۆی لەدەستدا و لە نزیکەی 115 دۆلارەوە گەیشتە خوارەوەی 30 دۆلار، بەڵام پێشبینی دەکرێت دیسان بەرەو 50 دۆلار بۆ هەر بەرمیلێک بەرزببێتەوە.

سەرچاوە: رۆیتەرز، ئا: ئا ، ف