كوڕه‌كه‌ی مۆرینیۆ به‌ر له‌ كلاسیكۆ له‌گه‌ڵ مێسی به‌دیار ده‌كه‌وێت

كوڕه‌كه‌ی خۆزێ مۆرینیۆی پۆرتوگالی له‌ لاپه‌ڕه‌ی تایبه‌تی خۆی له‌ تویته‌ر وێنه‌یه‌كی له‌گه‌ڵ مێسی به‌ر له‌ یاری كلاسیكۆی نێوان بارسێلۆنا و ریال مه‌درید بڵاوكرده‌وه‌.

كوڕه‌كه‌ی مۆرینیۆ كه‌ هه‌وادارێكی چڕی لیۆنێل مێسییه‌ ئه‌مڕۆ وێنه‌یه‌كی بڵاوكرده‌وه‌ كه‌ له‌گه‌ڵ یاریزانه‌ ئارجێنتیناییه‌كه‌ به‌دیاركه‌وتووه‌ و نووسیویه‌تی "ئاشقه‌كه‌م.. باشترین یاریزان له‌ جیهاندا".

سبه‌ی بارسێلۆنا له‌ یاریگه‌ی كامپ نو له‌ یاری كلاسیكۆدا میوانداری ریال مه‌درید ده‌كات و زۆرێك پێیانوایه‌ ئه‌نجامی ئه‌م یارییه‌ چاره‌نووسی لالیگا یه‌كلاده‌كاته‌وه‌.