دوایین زانیاری و ههواڵ لهسهر كلاسیكۆ بزانه
چهندان زانیاریی وردی تایبهت به ههردوو یانه لهخۆگرتووه
بڕیاره ئهمڕۆ شهممه له كات 9:30ـی شهو به كاتی ههرێمی كوردستان، له كلاسیكۆی ئیسپانیا له یاریگهی كامپ نو یانهی بارسێلۆنا میوانداریی ریال مهدریدی ركابهری دهكات، لهم ڕاپۆرتهدا ژمارهیهكی زۆر له ههواڵ و زانیاریی له بارهی بارودۆخی بارسا و ریال، لهگهڵ چهندان وردهكاری تر خراوهته ڕوو.
ـ هێرناندێز هێرناندێز ناوبژیوانییەتی کلاسیکۆ دەکات.
ـ هێرناندێز دوایین ناوبژیوانە کارتی سووری بەڕووی کریستیانۆ رۆناڵدۆ بەرزکردبێتەوە، بەرامبەر کۆردۆبا بوو.
ـ هێرناندێز 8 یاری ریال مەدریدی بەڕێوەبردووە (6 بردنەوە و 2 دۆڕان).
ـ هێرناندێز 4 یاری بارسێلۆنای بەڕێوەبردووە (2 بردنەوە و دۆڕانێک و بەرامبەربوونێک).
ـ هێرناندێزی 33 ساڵان: 22 ساڵ لەمەوەبەر خەونم بەوە دەبینی ببمە ناوبژیوانی کلاسیکۆ.
ـ ئالڤارۆ ئاربێلوای 33 ساڵان بەتەمنترین یاریزانی کلاسیکۆی ئەمجارەیە.
ـ مونیر حەدادی بچوکترین یاریزانی کلاسیکۆی ئەمجارەیە.
ـ نرخی یاریزانەکانی پێکهاتەی سەرەکی ریال مەدرید لە کلاسیکۆ 707.3 ملیۆن یۆرۆیە.
ـ نرخی یاریزانەکانی پێکهاتەی سەرەکی بارسێلۆنا بۆ کلاسیکۆ 693 ملیۆن یۆرۆیە.
ـ سێکوچکەی BBC لەم وەرزە لە هەر 89 خولەکێک جارێک گۆڵیان کردووە.
ـ سێکوچکەی MSN لەم وەرزە لە هەر 99 خولەکێک جارێک گۆڵیان کردووە.
ـ کۆمپانیای نایک سپۆنسەریی 23 یاریزانی کلاسیکۆ دەکات، کریستیانۆ رۆناڵدۆ یەکێکە لەوانە.
ـ کۆمپانیای ئادیداس سپۆنسەریی 21 یاریزانی کلاسیکۆ دەکات، لیۆنێل مێسی یەکێکە لەوانە.
ـ مێسی یەک گۆڵی پێویستە بۆ ئەوەی ژمارەی گۆڵەکانی لە ژیانیی وەرزشیی خۆی بکاتە 500 گۆڵ.
ـ رۆناڵدۆ دەیەوێت ریکۆردی دی ستیفانۆ بشکێنێت و لە کامپ نوو ببێتە خاوەنی زۆرترین گۆڵ.
ـ لە کامپ نوو 110 کلاسیکۆ بەڕێوەچووە (62 بارسا، 25 ریال، 23 بەرامبەربوون).
ـ لە لالیگا 171 کلاسیکۆ بەڕێوەچووە (ریال 71، بارسا 68، بەرامبەربوون 32).
ـ لە مێژوو 231 کلاسیکۆی فەرمی بەڕێوەچووە (ریال 92، بارسا 90،بەرامبەربوون 48).
ـ یاریی کلاسیکۆ لە 184 وڵاتی جیاواز پەخش دەکرێت.
ـ پێشبینی دەکرێت نزیکەی 600 ملیۆن کەس لە جیهان سەیری یارییەکە بکەن.
ـ بلیتی کلاسیکۆ هەمووی فرۆشراوە و لە بازاڕی رەش دووبارە دەفرۆشرێتەوە.
ـ دیکۆ: هیچ یاریزانێکی ریال مەدرید توانای ئەوەی نییە لە بارسێلۆنا یاریی بکات.
ـ نزیکەی 700 راگەیاندنکار لە 33 وڵاتی جیاوازەوە لە کامپ نوو رووماڵی کلاسیکۆ دەکەن.
ـ مێسی دوو درێسی بە واژووی خۆی بۆ ساشا و مالیای کچی باراک ئۆباما نارد.
ـ لویز ئێنریکی: ئەگەر چوویتە سینەما و فیلمەکەت بە دڵ نەبوو بێزار دەبی، بۆیە دەمانەوێت لە کالسیکۆ یارییەکی جوان پێشکەش بکەین.
ـ لویز ئێنریکی: ریال مەدرید لە هێرشی پێچەوانە زۆر مەترسیدارە.
ـ زیدان: نامەوێت باسی شەڕی خۆم و ئێنریکی بکەم لە سەردەمی یاریزانبوونماندا.
ـ زیدان: کلاسیکۆم پێ لە یاریی چامپیۆنزلیگ گرنگترە.
ـ پەیامنێری کوردستان24 لە ئیسپانیا: ژمارەی پیاوانی ئاسایش لە شەقامەکان زۆرتربووە.
ـ پەیامنێری کوردستان24 لە ئیسپانیا: لە کاتی ئامادەبوونم لە پرێس کۆنفرانسی زیدان بۆ ماوەی 3 سەعات پۆلیس ئێمەی دواخست.
ـ پەیامنێری کوردستان24: رێکارە ئەمنییەکان لەم چەند رۆژەدا لە مەدرید و بارسێلۆنا زۆر توندبووە.
ـ هەر کاتێک سوارێز لەم وەرزە گۆڵی کردبێت بارسێلۆنا نەدۆراوە (44 یاری، 42 بردنەوە، 2 بەرامبەربوون).